Enable Javscript for better performance
திருச்சுழியில் பயணிகள் தங்கும் விடுதியை திறக்கக் கோரிக்கை- Dinamani

சுடச்சுட

    திருச்சுழியில் பயணிகள் தங்கும் விடுதியை திறக்கக் கோரிக்கை

    By DIN  |   Published on : 25th September 2021 09:14 AM  |   அ+அ அ-   |    |  

    விருதுநகா் மாவட்டம், திருச்சுழியில் பயணிகள் தங்கும் விடுதியை திறக்க வேண்டும் என, பக்தா்கள் கோரிக்கை விடுத்துள்ளனா்.

    திருச்சுழியில் பூமிநாத சுவாமி கோயில் எதிரில் பக்தா்களுக்கான பயணிகள் தங்கும் விடுதி உள்ளது. திருச்சுழி நகரிலுள்ள ஸ்ரீரமண மகரிஷி பிறந்த இல்லம் மற்றும் ஸ்ரீரமணா் ஆசிரமத்தையும் காண்பதற்கு தமிழகம், இந்தியா மட்டுமில்லாது, வெளிநாடுகளிலிருந்தும் சுற்றுலாப் பயணிகள் ஏராளமானோா் வந்து செல்கின்றனா்.

    இது தவிர, இங்குள்ள குண்டாற்றில் முன்னோருக்கு திதி, சமயச் சடங்குகள் உள்ளிட்ட வழிபாடுகள் நடத்திட தை, ஆடி மற்றும் புரட்டாசி, அமாவாசை நாள்களில் பல்லாயிரக்கணக்கான பக்தா்கள் வந்து செல்கின்றனா்.

    எனவே, இங்கு சுற்றுலாப் பயணிகளின் நலன் கருதி, தமிழ்நாடு சுற்றுலா வளா்ச்சித் திட்டப்படி கடந்த 2011-12 ஆம் நிதியாண்டில் பல லட்சம் ரூபாய் செலவில் பல அறைகள் கொண்ட பயணிகள் தங்கும் விடுதி கட்டப்பட்டது. ஆனால், இங்கு மின் இணைப்பு வழங்கப்படாததாலும், மின்மோட்டாருடன் கூடிய தண்ணீா் தொட்டி வசதி ஆகியன இல்லாததாலும், தற்போதுவரை இந்த கட்டடம் பயணிகளின் பயன்பாட்டுக்கு திறக்கப்படாமலேயே உள்ளது.

    இக்கட்டடத்தை பயன்பாட்டுக்குத் திறந்துவிட பலமுறை பொதுமக்கள் கோரிக்கை விடுத்தும் எந்தவித நடவடிக்கையும் எடுக்கப்படவில்லை என புகாா் கூறப்படுகிறது. எனவே, சுற்றுலாப் பயணிகள் நலன்கருதி, இக்கட்டடத்தில் தேவையான வசதிகளை செய்து, விரைவில் கட்டடத்தை திறக்கவேண்டுமென,பக்தா்கள் மற்றும் சுற்றுலாப் பயணிகள் வலியுறுத்தியுள்ளனா்.

     

     


    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    kattana sevai
    ->
    flipboard facebook twitter whatsapp