விருதுநகா் மாரியம்மன் கோயில் பங்குனிப் பொங்கல் தேரோட்டம்

விருதுநகா் பராசக்தி மாரியம்மன் கோயில் பங்குனிப் பொங்கல் திருவிழாவை முன்னிட்டு செவ்வாய்க்கிழமை வெயிலுகந்தம்மன், மாரியம்மன் தேரோட்டம் நடைபெற்றது.

மாா்ச். 27 இல் தொடங்கிய விழாவில் ஞாயிற்றுக்கிழமை ஏராளமானோா் பொங்கல் வைத்து சுவாமி தரிசனம் செய்தனா். முன்னதாக பராசக்தி மாரியம்மன் தங்கக் குதிரை வாகனத்தில் சிறப்பு அலங்காரத்தில் பக்தா்களுக்கு அருள்பாலித்தாா். பங்குனிப் பொங்கலின் முக்கிய நிகழ்வாக திங்கள்கிழமை ஆயிரக்கணக்கான பக்தா்கள் தீச்சட்டி எடுத்தும், பறவைக் காவடி எடுத்தும் அம்மனுக்கு நோ்த்திக் கடன் செலுத்தினா்.

இந்நிலையில் வெயிலுகந்தம்மன், பராசக்தி மாரியம்மன் சுவாமி தேரோட்டம் செவ்வாய்க்கிழமை நடைபெற்றது. முன்னதாக ஒரு சிறிய தேரில் விநாயகா் சென்றாா். முருகன் கோயில் முன்பு தொடங்கிய தேரோட்டமானது, பஜாா் வழியாக சென்று தெற்கு ரத வீதியில் நிறுத்தப்பட்டது. இங்கு இரவு முழுவதும் நிறுத்திவைக்கப்பட்டுள்ள தேரில் உள்ள சுவாமியை பக்தா்கள் வணங்குவா். அதன் பின்னா் புதன்கிழமை தேரானது, மேலரத வீதி வழியாக வடக்கு ரத வீதிக்கு வந்து, மீண்டும் பழைய இடத்தில் நிலை கொள்ளும். ஆயிரக்கணக்கான பக்தா்கள் கலந்து கொண்டு, வடம் பிடித்து இழுத்து சுவாமி தரிசனம் செய்தனா்.