விருதுநகா் அருகே 127 மாணவா்கள் கூட்டாக யோகாசனம்

விருதுநகா்: விருதுநகா் அருகே பெரியவள்ளிக்குளத்தில் வியாழக்கிழமை பள்ளி மாணவ, மாணவிகள் 127 போ் ஏகபாத ராஜ கபோட்டாசனத்தை ஒரே நேரத்தில் ஒரு நிமிடம் செய்து, நோபிள் வோ்ல்டு ரெக்காா்டு புத்தகத்தில் இடம் பிடித்தனா்.

விருதுநகா் அருகே பெரியவள்ளிக்குளத்தில் உள்ள தனியாா் மெட்ரிக் மேல்நிலைப்பள்ளியில் உலக சுகாதார தினத்தையொட்டி யோகானநத்தில் சாதனை பயிற்சி மேற்கொண்டனா். அதன் அடிப்படையில் 1 ஆம் வகுப்பு முதல் 8 ஆம் வகுப்பு வரை பயிலும் பள்ளி மாணவ, மாணவிகள் 127 போ் வியாழக்கிழமை ஏகபாத ராஜ கபோட்டாசனத்தை ஒரே நேரத்தில் ஒரு நிமிடத்தில் நிகழ்த்தி நோபிள் வேல்ட் ரெக்காா்ட் புத்தகத்தில் இடம் பிடித்தனா்.

இந்த யோகாசனம் செய்வதன் மூலம் இடுப்புவலி, மூச்சுத் திணறல், மூச்சு சம்பந்தப்பட்ட நோய்கள் ஏற்படாது. மேலும், சுகப்பிரசவம் நடைபெற வாய்ப்புள்ளதாக யோகா ஆசிரியா்கள் தெரிவித்தனா். நிகழ்ச்சியில் பள்ளி முதல்வா் ஜெரால்டு ஞானரத்தினம், மாணவ, மாணவிகளுக்கு பதக்கங்களையும், சான்றிதழ்களையும் வழங்கினாா். முன்னதாக விருதுநகா் துணை காவல் கண்காணிப்பாளா் அா்ச்சனா சிறப்பு விருந்தினராக கலந்து கொண்டாா்.