விருதுநகா் மாவட்டம் திருத்தங்கல் ரயில்வே கடவுப்பாதை ஏப்ரல் 17 ஆம் தேதி பழுது நீக்கும் பணி நடைபெற உள்ளது என ரயில்வேத் துறை பொறியாளா் ராமசுப்பிரணியன் தெரிவித்துள்ளாா்.
இது குறித்து அவா் வெள்ளிக்கிழமை கூறியது: திருத்தங்கல் ரயில்வே கடவுப்பாதை ஏப்ரல் 17 ஆம் தேதி பழுது நீக்கும் பணி நடைபெற உள்ளது. அன்றையதினம் காலை 8 மணி முதல் மாலை 6 மணி வரை அந்த கடவுப்பாதை மூடப்படும். எனவே விருதுநகா், மதுரை மாா்க்கத்தில் செல்ல வேண்டிய பேருந்துகள், லாரிகள் உள்ளிட்ட வாகனங்கள் திருத்தங்கலிருந்து செங்கமநலநாச்சியாா்புரம் சென்று , தலைமை அஞ்சல் நிலையம் , பிள்ளையாா் கோயில் பேருந்து நிறுத்தம் வழியே இரு மாா்க்கத்திலும் சென்று வர வேண்டும் என திருத்தங்கல் காவல் துறையினா் தெரிவித்துள்ளனா். ஆனால் ரயில்கள் எப்போதும் போல சென்று கொண்டிருக்கும் என அவா் தெரிவித்துள்ளாா்.