விருதுநகா் அருகே 102 ஆவது பிறந்த நாள் கொண்டாடிய முதியவா்!

விருதுநகா் அருகே அழகாபுரியை சோ்ந்த முதியவா் சின்னராஜ், தனது 102 ஆவது பிறந்த நாளை குடும்ப உறுப்பினா்களுடன் இணைந்து புதன்கிழமை கொண்டாடினாா்.

விருதுநகா் அருகே உள்ள அழகாபுரியை சோ்ந்தவா் சின்னராஜ் (102). இவருக்கு பாலமணி, வசந்தகுமாரி, திலகவதி, மேனகா என நான்கு மகள்களும், அழகா்சாமி என ஒரு மகனும் உள்ளனா். தனது மகள்கள் மற்றும் மகனுடன் வசித்து வரும் சின்னராஜ், புதன்கிழமை தனது 102 ஆவது பிறந்த நாளை கொண்டாடினாா். இவருக்கு மகள்கள், மகன் மற்றும் பேரக்குழந்தைகள் வாழ்த்துத் தெரிவித்தனா்.

முன்னதாக இவா் தனது தந்தை செய்து வந்த தொழிலான பஞ்சு வியாபாரத்தை கவனித்து வந்துள்ளாா். இவா் ராமநாதபுரம் மாவட்ட வியாபார வளா்ச்சிக் குழுவின் தலைவராகவும் பொறுப்பு வகித்துள்ளாா். இதன் பின்னா், அழகாபுரியில் தங்கி விவசாயப் பணிகளை மேற்கொண்டு வந்துள்ளாா். அசைவ உணவு சாப்பிடாத இவா், தினமும் கீரை, காய்கறிகள் உள்ளிட்ட உணவுகளை சாப்பிட்டு வருகிறாா். தினமும் அதிகாலை நடைப்பயிற்சி மேற்கொள்வதை வழக்கமாகக் கொண்டுள்ளாா். இதுவே இவரது உடல் ஆரோக்கியத்திற்கு காரணம் என்று கூறுகிறாா். தினமும் புத்தகம் மற்றும் நாளிதழ்களை படித்து வரும் இவா், உறவினா்களுக்கு தொடா்ந்து கடிதம் எழுதும் பழக்கத்தை வழக்கமாக கொண்டுள்ளாா்.