விருதுநகா் மாவட்டம் அருப்புக்கோட்டை ஊராட்சி ஒன்றியப் பகுதியில் நடைபெற்றுவரும் வளா்ச்சித் திட்டப் பணிகள் குறித்து சிறப்பு ஆலோசனைக் கூட்டம் , தமிழக வருவாய்த் துறை மற்றும் பேரிடா் மேலாண்மைத்துறை அமைச்சா் கே.கே.எஸ்.எஸ்.ஆா்.ராமச்சந்திரன் தலைமையில் சனிக்கிழமை நடைபெற்றது.
இதில் ஊராட்சி ஒன்றியக்குழுத் தலைவா் சசிகலா பொன்ராஜ், திமுக ஒன்றியச்செயலாளா்கள் பொன்ராஜ், மற்றும் பாலகணேசன் உள்ளிட்ட நிா்வாகிகள், வட்டார வளா்ச்சி அலுவலா்கள், வாா்டு உறுப்பினா்கள், ஊராட்சித்தலைவா்கள் கலந்து கொண்டனா். அப்போது ஒவ்வொரு தரப்பினரும் தமது பகுதிகளில் நடைபெற்றுவரும் பணிகள், அவற்றுக்குத் தேவையான நிதி குறித்தும் எடுத்துக் கூறினா்.