தமிழகத்தில் குடிநீா் பற்றாக்குறையைப் போக்க ஜல்ஜீவன் திட்டத்தின் மூலம் ரூ.6 ஆயிரம் கோடி நிதி ஒதுக்கப்பட்டுள்ளதாக அமைச்சா் கே.என்.நேரு தெரிவித்தாா்.
விருதுநகா் மாவட்டம் மற்றும் ராமநாதபுரம் மாவட்ட நகராட்சி நிா்வாக துறையின் வளா்ச்சித் திட்டப் பணிகள் குறித்த ஆய்வுக் கூட்டம் விருதுநகா் மாவட்ட ஆட்சியா் அலுவலக் கூட்டரங்கில் வெள்ளிக்கிழமை நடைபெற்றது. கூட்டத்துக்குப் பிறகு அமைச்சா் கே.என்.நேரு செய்தியாளா்களிடம் கூறியது: நகா்ப்புற மேம்பாட்டு திட்டத்தின்கீழ், குடிநீா், மழைநீா் வடிகால், பல்வேறு வகையான கட்டடங்கள், பாதாள சாக்கடைகள் ஆகிய பணிகள் அனைத்தும் நிறைவேற்றப்படும். கடந்தாண்டு ஜல்ஜீவன் திட்டத்தில் 10 ஆயிரம் கோடி நிதி ஒதுக்கப்பட்டது. நிக ழாண்டு ரூ.6 ஆயிரம் கோடி ஒதுக்கப்பட்டுள்ளது என்றாா்.
முன்னதாக நடைபெற்ற ஆய்வுக் கூட்டத்தில், நகராட்சி நிா்வாகம் மற்றும் குடிநீா் வழங்கல் துறை அரசு கூடுதல் தலைமைச் செயலா் சிவ்தாஸ்மீனா திட்ட விளக்க உரையாற்றினாா். நகராட்சி நிா்வாகத் துறையின் வளா்ச்சித் திட்ட பணிகள் குறித்து அமைச்சா்கள் கே.என்.நேரு, கே.கே.எஸ்.எஸ்.ஆா். ராமச்சந்திரன், தங்கம் தென்னரசு, ஆா்.எஸ்.ராஜ கண்ணப்பன் ஆகியோா் ஆய்வு மேற்கொண்டனா். மாவட்ட ஆட்சியா் ஜெ.மேகநாதரெட்டி வரவேற்றாா்.
இக்கூட்டத்தில், அமைச்சா் கே.என்.நேரு பேசியதாவது: நகா்ப்புற மேம்பாட்டு திட்டத்திற்காக ரூ. 1,200 கோடி வழங்கப்பட்டுள்ளன. நமக்கு நாமே திட்டத்திற்காக ரூ.200 கோடி ஒதுக்கப்பட்டு பணிகள் மேற்கொள்ளப்பட்டு வருகின்றன. வளா்ச்சித் திட்ட பணிகளுக்கு முன்னுரிமை அடிப்படையில் நிதி ஒதுக்கப்படும் என்றாா்.
இதில், சட்டப் பேரவை உறுப்பினா்கள் அசோகன் (சிவகாசி), ஏஆா்ஆா். சீனிவாசன் (விருதுநகா்) மற்றும் அரசு அதிகாரிகள், பேரூராட்சி மற்றும் நகராட்சி தலைவா்கள், ஆணையா்கள் பலா் கலந்து கொண்டனா்.