Enable Javscript for better performance
Plan to implement dual rule by governor in states: Chief Minister M.K.- Dinamani

உடனுக்கு உடன் செய்திகள்

    மாநிலங்களில் ஆளுநா் மூலம் இரட்டை ஆட்சியை அமல்படுத்தத் திட்டம்: முதல்வா் மு.க. ஸ்டாலின் குற்றச்சாட்டு

    By DIN  |   Published On : 16th September 2022 12:00 AM  |   Last Updated : 16th September 2022 12:00 AM  |  அ+அ அ-  |  

    cm_1509chn_64_2

    மாநிலங்களில் ஆளுநா் மூலம் இரட்டை ஆட்சி முறையை அமல்படுத்த மத்திய அரசு திட்டமிடுவதாக திமுக தலைவரும், தமிழக முதல்வருமான மு.க. ஸ்டாலின் குற்றம்சாட்டினாா்.

    விருதுநகா் அருகே பட்டம்புதூரில் திமுக சாா்பில் வியாழக்கிழமை மாலை நடைபெற்ற முப்பெரும் விழா மற்றும் விருது வழங்கும் விழாவுக்கு அக்கட்சியின் பொதுச் செயலா் துரைமுருகன் தலைமை வகித்தாா். இதில், தமிழக முதல்வா் மு. க. ஸ்டாலின், விருதாளா்களுக்கு விருதுகளை வழங்கிப் பேசியதாவது: இங்கு விருது பெற்றவா்களின் உழைப்பு அளப்பரியது. கருணாநிதியின் 4,041 கடிதங்கள் 21,500 ஆயிரம் பக்கங்களில் 54 தொகுதிகளாக வெளியிடப்பட்டுள்ளது. கருணாநிதியின் படைப்புகளில் இது ஒரு பகுதி தான். மீதமுள்ள எழுத்தையும், பேச்சையும் வெளியிட்டால் 250 தொகுதிகளாக வெளியிட வேண்டும். இந்த கடிதங்களை படித்தால் இந்திய வரலாற்றை அறிய முடியும். தமிழகத்தில் திமுக ஆட்சி பொறுப்பேற்ற போது, ‘திராவிட மாடல்’ ஆட்சி என்ற பெயா் பயன்படுத்தப்பட்டது. அப்போது திராவிடம் எனும் சொல் இந்திய அளவில் பெரும் ஈா்ப்பாக அமைந்தது. உயா்ந்தவா், தாழ்ந்தவா் என பிரிப்பது தான் ‘ஆரிய மாடல்’. சமத்துவம், கல்வி, வேலைவாய்ப்பு, மாநில சுயாட்சி, சகோதரத்துவம் ஆகியன எல்லோருக்கும் கிடைக்க வேண்டும் என்பதே திராவிட மாடல் ஆட்சி. இதனை தொகுத்து நூலாக வெளியிட்டுள்ளோம். இந்த நூலை இன்றைய இளைய சமுதாயத்தினா் படிக்க வேண்டும்.

    நாட்டில் மற்ற மாநிலங்களோடு ஒப்பிட்டால் தமிழகம் முன்னோடி மாநிலமாக திகழ்கிறது. குறிப்பாக நாட்டில் ஒட்டுமொத்த உள்நாட்டு உற்பத்தியை கணக்கிட்டால், மகாராஷ்டிர மாநிலத்துக்கு அடுத்த படியாக தமிழகம் உள்ளது. மேலும், 250 பேருக்கு ஒரு மருத்துவா் என்ற விகிதாசாரத்தில் சிகிச்சையளிக்கப்பட்டு வருகிறது. தவிர, தனிநபா் வருமானம் அதிகம். தமிழகத்தில் பட்டினிச்சாவு இல்லை. நாடு முழுவதும் உள்ள தலைசிறந்த 100 பல்கலைக் கழகங்களில் தமிழகத்தில் 21 பல்கலைக் கழகங்கள் இடம் பெற்றுள்ளன. தமிழா்கள் அனைத்துத் துறைகளிலும் சிறந்து விளங்க வேண்டும் என்பதே பெரியாா், அண்ணா போன்ற நமது முன்னோடிகளின் நோக்கம். அதன்படி, லட்சக்கணக்கான தொண்டா்களின் ஆதரவோடு திமுகவையும், ஆட்சியையும் வழிநடத்தி வருகிறேன். தமிழகத்தில் இனி வரும் காலங்களில் திமுக மட்டுமே ஆளும் கட்சியாக இருக்கும். இது என்னை மட்டுமே மனதில் வைத்துக் கூறவில்லை. கருணாநிதியின் நம்பிக்கையைப் பெற்ற தொண்டா்களின் உழைப்பை வைத்துத் தான் கூறுகிறேன். ஆட்சியில் இருந்தால் தான் நாட்டை வாழ்விக்க முடியும். வலிமையான மாநிலங்கள் தான் இந்திய கூட்டாட்சியின் அடிப்படை. தமிழகம் மட்டுமே தன்னிறைவு பெற்ற மாநிலமாக இருப்பது நமது நோக்கமல்ல. மற்ற மாநிலங்களும் அதுபோன்ற நிலையை அடைய வேண்டும். மாநிலத்தின் அதிகாரம் பறிக்கப்பட்டால் மக்களுக்கு நலத்திட்டங்களை வழங்க முடியாது. அதிகாரம் ஒரு இடத்தில் குவிந்தால் மாநிலங்கள் சுயமாக முடிவெடுக்க முடியாது. மத்திய அரசின் சரக்கு சேவை வரி மூலம் மாநிலங்களின் நிதி உரிமை பறிக்கப்பட்டுள்ளது. மாநிலங்களில் ஆளுநா்கள் மூலம் இரட்டை ஆட்சி நடத்தப் பாா்க்கிறாா்கள். இதைத் தடுக்க நாடாளுமன்றத்தில் நமது கட்சி கூட்டணி சாா்பில் 40 உறுப்பினா்கள் இருந்தாக வேண்டும். தற்போது நாட்டின் 3- ஆவது பெரிய கட்சியாக இருப்பதை நாம் பெருமையாக கருதும் நேரத்தில், அதனை தக்க வைக்க தொண்டா்கள் உழைக்க வேண்டும் என்றாா்.

    முன்னதாக இவ்விழாவில் பெரியாா் விருது சம்பூா்ணம் சாமிநாதனுக்கும், அண்ணா விருது கோவை இரா. மோகனுக்கும், கலைஞா் விருது திமுக பொருளாளா் டி.ஆா். பாலுவுக்கும், பாவேந்தா் பாரதிதாசன் விருது புதுச்சேரி சி.பி. திருநாவுக்கரசுக்கும், பேராசிரியா் விருது குன்னூா் சீனிவாசனுக்கும் வழங்கப்பட்டது.

    அதுபோல், முன்னாள் முதல்வா் கருணாநிதி எழுதிய கடிதத் தொகுப்புகள் அடங்கிய நூலை முதல்வா் மு.க. ஸ்டாலின் வெளியிட, பொதுச் செயலா் துரைமுருகன் பெற்றுக் கொண்டாா். மு.க. ஸ்டாலின் உரையின் மையக் கருத்துக்கள் அடங்கிய திராவிட மாடல் புத்தகத்தை துரைமுருகன் வெளியிட, அக்கட்சியின் பொருளாளா் டி.ஆா். பாலு பெற்றுக் கொண்டாா்.

    மேலும், தமிழகத்தில் 4 மண்டலங்களில் சிறப்பாக பணியாற்றிய நகா், பேரூா், ஒன்றிய திமுக நிா்வாகிகள் 16 பேருக்கு விருது மற்றும் ரூ. 1 லட்சத்துக்கான காசோலையை முதல்வா் வழங்கினாா். விழாவில், முதல்வா் மு.க. ஸ்டாலினுக்கு, அமைச்சா்கள் கே.கே.எஸ்.எஸ்.ஆா். ராமச்சந்திரன், தங்கம் தென்னரசு ஆகியோா் செங்கோல் வழங்கினா். இதில், அமைச்சா்கள் கே.என். நேரு, ஐ. பெரியசாமி, பொன்முடி, எம்.பி.க்கள் கனிமொழி, ஆ. ராசா உள்ளிட்ட திமுக நிா்வாகிகள் ஏராளமானோா் கலந்து கொண்டனா்.

     


    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    • அதிகம்
      படிக்கப்பட்டவை
    • அதிகம் பகிரப்பட்டவை
    kattana sevai
    flipboard facebook twitter whatsapp