அதிகளவு மாத்திரைகள் சாப்பிட்ட இளம்பெண் பலி
By DIN | Published On : 26th January 2023 12:00 AM | Last Updated : 26th January 2023 12:00 AM | அ+அ அ- |
திருச்சுழி அருகே அளவுக்கதிகமாக மாத்திரைகள் சாப்பிட்ட இளம்பெண் புதன்கிழமை உயிரிழந்தாா்.
விருதுநகா் மாவட்டம், திருச்சுழி அருகே சவ்வாசுபுரத்தைச் சோ்ந்தவா் ராமா் (46). இவரது மூத்த மகள் ஹரிணி (18). இவா் வலிப்பு நோயால் பாதிக்கப்பட்டு, கடந்த 5 ஆண்டுகளாக சிகிச்சை பெற்று வந்தாா். ஆனாலும் நோய் முழுமையாக குணமடையவில்லை.
இதனால் மனமுடைந்த ஹரிணி, கடந்த 20-ஆம் தேதி அளவுக்கதிகமாக மாத்திரைகளை விழுங்கினாா். மயக்கமடைந்த நிலையில் இருந்த அவரை, பெற்றோா் மீட்டு அருப்புக்கோட்டை அரசு மருத்துவமனையில் சோ்த்தனா். பின்னா், ஹரிணி தீவிர சிகிச்சைக்காக மதுரை அரசு ராஜாஜி மருத்துவமனையில் சோ்க்கப்பட்டாா்.
அங்கு புதன்கிழமை அவா் உயிரிழந்தாா். இதுதொடா்பாக திருச்சுழி காவல் துறையினா் வழக்குப் பதிவு செய்து விசாரித்தனா்.
