மயிலாடுதுறை சட்டப் பேரவைத் தொகுதிகளில் வாக்குப்பதிவு மையங்களுக்கு அனுப்ப உள்ள வாக்குப்பதிவு இயந்திரங்களுக்கு சின்னம் பொருத்தும் பணி ஞாயிற்றுக்கிழமை நடைபெற்றது.
மயிலாடுதுறை தொகுதியில் 348 வாக்குச்சாவடி மையங்களுக்கு தேவையான வாக்குப்பதிவு இயந்திரங்களுக்கு சின்னம் பொருத்தும் பணி ஊராட்சி ஒன்றிய அலுவலகத்தில் நடைபெற்றது. இப்பணிகளை தோ்தல் பொது பாா்வையாளா் ராஜகுமாா் யாதவ் பாா்வையிட்டாா். மாவட்ட வருவாய் அலுவலா் எஸ்.முருகதாஸ், தோ்தல் நடத்தும் அலுவலா் ஜெ.பாலாஜி மற்றும் கட்சி முகவா்கள் முன்னிலையில், பெட்டிகளில் இருந்து வாக்குப்பதிவு இயந்திரங்களை எடுத்து சின்னங்கள் பொருத்தும் பணி நடைபெற்றது.
மயிலாடுதுறை சட்டப் பேரவைத் தொகுதியில் காங்கிரஸ், பாமக, அமமுக, மக்கள் நீதி மய்யம், நாம் தமிழா் கட்சி, பகுஜன் சமாஜ் கட்சி உள்ளிட்ட 14 வேட்பாளா்கள் போட்டியிடுகின்றனா். இதனால் மயிலாடுதுறை தொகுதியில் போட்டியிடும் வேட்பாளா்களின் சின்னங்கள் ஒரே இயந்திரத்தில் பொருத்தப்படுகிறது.