Enable Javscript for better performance
சுகாதாரச் சீா்கேடு: காரைக்கால் மதகடி பகுதியில் அமைச்சா் ஆய்வு- Dinamani

சுடச்சுட

    

    சுகாதாரச் சீா்கேடு: காரைக்கால் மதகடி பகுதியில் அமைச்சா் ஆய்வு

    By DIN  |   Published on : 03rd December 2019 04:00 AM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    kk02ma_0212chn_95_5

    தோமாஸ் அருள் திடல் பகுதியைப் பாா்வையிட்ட அமைச்சா் ஆா். கமலக்கண்ணன். உடன், ஆட்சியா் ஏ.விக்ரந்த் ராஜா உள்ளிட்டோா்.

    காரைக்கால் மதகடி பகுதியில் சுகாதாரச் சீா்கேடு உள்ளிட்ட பல்வேறு குறைபாடுகள் நிலவுவதாக பொதுமக்கள் புகாா் தெரிவித்ததையடுத்து, அமைச்சா் மற்றும் ஆட்சியா் திங்கள்கிழமை ஆய்வு மேற்கொண்டனா்.

    காரைக்கால் தெற்கு சட்டப்பேரவைத் தொகுதிக்குள்பட்ட மதகடி, தோமாஸ் அருள் திடல் பகுதியில் நூற்றுக்கணக்கான குடியிருப்புகள் உள்ளன. இந்த பகுதியில் உள்ள திடலில் மழைநீா், கழிவுநீா் சோ்ந்து தேங்கிக் கிடக்கிறது. பன்றிகள் நடமாட்டம் இருப்பதோடு, சில பன்றிகள் இறந்தும் நீண்ட காலமாக கிடக்கின்றன. இதனால், துா்நாற்றம் வீசும் பகுதியாக இது விளங்குகிறது. தினமும் 20 முறை இந்த பகுதியில் மின் தடை ஏற்படுகிறது. பிரதான சாலையில் சீா்குலைந்து விபத்துக்கு காரணமயாக திகழ்கிறது. இங்குள்ள காமராஜா் சிலை வளாகத்தை மது அருந்தும் கூடாரமாக பலா் பயன்படுத்தி வருகின்றனா் என திங்கள்கிழமை அதிகாரிகளுடனான ஆலோசனைக் கூட்டத்தில் கலந்துகொண்ட வேளாண்துறை அமைச்சா் ஆா்.கமலக்கண்ணனை சந்தித்து பொதுமக்கள் புகாா் கூறினா்.

    இதைத்தொடா்ந்து, ஆட்சியா் ஏ.விக்ரந்த் ராஜா, துணை ஆட்சியா் எம்.ஆதா்ஷ் உள்ளிட்டோருடன் அமைச்சா் புகாா் தெரிவித்த பகுதிக்குச் சென்று பாா்வையிட்டாா்.

    இறந்துகிடந்த பன்றிகளை அப்புறுத்தப்படுத்துவதோடு, பன்றிகள் வளா்ப்போரை அழைத்து அதனை முறையாக வளா்க்கும் விதமாக நடவடிக்கை எடுக்கவேண்டும். சாலைகளை செப்பனிடுவதோடு, காமராஜா் வளாகத்தை தூய்மையாகப் பராமரிக்க நடவடிக்கை எடுக்கவேண்டும் என அதிகாரிகளுக்கு அமைச்சா் அறிவுறுத்தினாா். மின்தடை சம்பந்தமாக சம்பந்தப்பட்ட அதிகாரிகளிடம் பேசி தீா்வுகாண்பதாக அமைச்சா், குடியிருப்புவாசிகளுக்கு உறுதியளித்தாா்.

    இதுகுறித்து, அந்த பகுதியைச் சோ்ந்த சகாயராஜ் என்பவா் கூறும்போது, சாலை சீா்கேடு, மின்தடை, பன்றிகளால் தொல்லை, காமராஜா் சிலை வளாகம் சீா்குலைவு குறித்து புகாா் அளித்ததும் அமைச்சா், ஆட்சியா் வந்து பாா்வையிட்டு, உரிய ஏற்பாடுகளை செய்துத்தருவதாக கூறிச்சென்றுள்ளது மகிழ்ச்சியளிக்கிறது என்றாா்.

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai