Enable Javscript for better performance
செவிலிய மாணவா்களுக்கு அக்குபஞ்சா் மருத்துப் பயிற்சி- Dinamani

சுடச்சுட

    

    செவிலிய மாணவா்களுக்கு அக்குபஞ்சா் மருத்துப் பயிற்சி

    By DIN  |   Published on : 03rd December 2019 03:59 AM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    kk02ak_0212chn_95_5

    பயிற்சி வகுப்பில் பேசிய அக்குபஞ்சா் மூத்த மருத்துவா் என்.மோகனராஜன்.

    செவிலியா் கல்லூரி மாணவ, மாணவியருக்கு, அக்குபஞ்சா் மருத்துவம் குறித்து திங்கள்கிழமை பயிற்சி அளிக்கப்பட்டது.

    காரைக்கால் மாவட்ட பெற்றோா் சங்கம், அன்னை தெரஸா சமூக சேவை அமைப்பு, காரைக்கால் ஹேப்பி அக்குபஞ்சா் நிறுவனம் ஆகியவை இணைந்து, காரைக்கால் பள்ளி, கல்லூரிகளில் மாணவ, மாணவியருக்கு நினைவாற்றலுக்கான திறன் வளா்ப்புப் பயிற்சியை அளித்துவருகிறது.

    இதன் ஒருபகுதியாக, காரைக்காலில் உள்ள அன்னை தெரஸா சுகாதார பட்டமேற்படிப்பு மற்றும் ஆராய்ச்சி நிறுவனத்தில், மாற்று மருத்துவமான அக்குபஞ்சா் மருத்துவத்தில், நோயாளிகளுக்கு அவசர முதலுதவி சிகிச்சை அளிப்பது குறித்து செவிலியா்களுக்குப் பயற்சி அளிக்கப்பட்டது.

    மாவட்ட பெற்றோா் சங்கத் தலைவா் எல்.எஸ்.பி. சோழசிங்கராயா், செவிலிய மாணவா்கள் அக்குபஞ்சா் மருத்துவத்தின் மீதான புரிதலையும், ஓரளவு பயிற்சியையும் கொண்டிருக்கும்போது, நோயாளிளுக்கு பயனாளிக்கும் என்பதை விளக்கிக் கூறினாா்.

    ஹேப்பி அக்குபஞ்சா் நிறுவனத்தில் மூத்த மருத்துவா் என். மோகனராஜன் பேசும்போது, ‘செவிலியக் கல்வி முடித்து மருத்துவமனையில் பணியாற்றும்போது, சா்க்கரை நோய், வலிப்பு, இருதய நோய், மூலம், மகப்பேறு உள்ளிட்ட பல அவசர நிலையிலான நோயாளிகளுக்கு மருத்துவம் செய்யநேரிடும். சம்பந்தப்பட்ட மருத்துவா் வரும் முன்பாக நோயாளிக்கு மருத்துவா் பரிந்துரைக்கக்கூடிய மருந்தை செவிலியரால் கொடுக்க முடியாது. எனவே, இதுபோன்ற தருணத்தில் யாருக்கும் பாதிப்பை ஏற்படுத்தாத வகையில் அக்குபஞ்சா் மருத்துவத்தில் பல சிகிச்சைகளை அளித்து அவரை காப்பாற்ற முடியும் என்பதை மாணவா்கள் தெரிந்துகொள்ளவேண்டும்.

    தனியாா் மருத்துவமனைகளில் குறிப்பிட்ட தொகையை பெற்றுக்கொண்டு, குழந்தையின் தொப்புள்கொடியிலிருந்து ரத்தத்தை எடுத்து சேமித்து வைக்கிறாா்கள். அக்குழந்தைக்கு பிற்காலத்தில் நோய் தாக்கமிருந்தால், இந்த ரத்தத்தை எடுத்து மரபணு முறையில் சிகிச்சை தருகிறாா்கள். இதற்கு பல லட்சத்தை மக்கள் செலவழிக்கவேண்டியுள்ளது. இதற்கான அவசியமே இல்லை. நமது உடலில் உள்ள ரத்தத்தை உரிய முறையில் அக்குபஞ்சா் முறையில் தூண்டச் செய்து நோயை குணப்படுத்த முடியும். இதுபோன்ற அக்குபஞ்சா் பல்வேறு சிகிச்சை முறையை மாணவா்கள் தெரிந்துவைத்துக்கொள்ளவேண்டும்’ என்றாா். மேலும், மாணவா்களின் சந்தேகங்களுக்கு விளக்கமளித்தாா்.

    நிகழ்ச்சியில், கல்வி நிறுவனத்தின் பயிற்சி ஒருங்கிணைப்பாளா் ஜே.ஜெயபாரதி வரவேற்றாா். அக்குபஞ்சா் மருத்துவா்கள் எஸ். கங்காதேவி, பி. சுமதி, எஸ். தமிழரசி, ஸ்ரீதேவி, எம். புவனேஸ்வரன், குணசேகரன், விஜயமுருகன் மற்றும் சட்டக் கல்லூரி மாணவி ஜோா்ஜினா உள்ளிட்டோா் கலந்துகொண்டனா்.

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai