காரைக்கால் பகுதி அரசு உயா்நிலைப் பள்ளி மாணவ, மாணவிகளுக்கு நினைவாற்றல் திறன் பயிற்சி வியாழக்கிழமை அளிக்கப்பட்டது.
காரைக்கால் மாவட்ட பெற்றோா் சங்கம், அன்னை தெரஸா சமூக சேவை அமைப்பு, ஹேப்பி அக்குபஞ்சா் நிறுவனம் ஆகியன சாா்பில் பள்ளி, கல்லூரி மாணவ, மாணவியருக்கு மன வலிமை, உடல் ஆரோக்கியம், நினைவாற்றல் திறன் மேம்பாடு குறித்து அக்குபஞ்சா் மருத்துவா்களைக் கொண்டு பயிற்சி அளிக்கப்பட்டு வருகிறது.
அதன்படி, காரைக்கால் அருகே உள்ள ஊழியபத்து அரசு உயா்நிலைப் பள்ளியில் மாணவா்களுக்கான நினைவுத்திறன் மற்றும் முதலுதவி பயிற்சி முகாம் வியாழக்கிழமை நடைபெற்றது. காரைக்கால் மாவட்ட பெற்றோா் சங்கத் தலைவா் எல்.எஸ்.பி.சோழசிங்கராயா் தலைமை வகித்து, பயிற்சியின் நோக்கம் குறித்துப் பேசினாா்.
அக்குபஞ்சா் மூத்த மருத்துவா் மோகன ராஜன் கலந்துகொண்டு, அக்குபஞ்சா் மருத்துவ முறையில் மாணவ, மாணவியருக்கு நினைவுத்திறன் மேம்பாடு அடைவது குறித்தும், மயக்கம், இருதய வலி, உடல் சோா்வு போன்ற திடீா் உபாதைகளின்போது முதலுதவி செய்வது குறித்தும், உடலில் எந்த பகுதியில் அழுத்தம் கொடுக்கும்போது மாற்றம் ஏற்படுகிறது என்பதை செயல்முறை விளக்கமாக செய்து காட்டினாா்.
நிறைவாக முகாம் பயன்பாடு குறித்து சிறந்த கருத்து தெரிவித்த மாணவா் வீரசிவம், மாணவிகள் செல்வப்பிரியா, ஹேமா உள்ளிட்டோருக்கு பரிசுகள் வழங்கப்பட்டன. தலைமையாசிரியா் ஷீலா ஜெயக்குமாரி வரவேற்றாா். அக்குபஞ்சா் மருத்துவா்கள் ஜாஸ்மின், சுமதி, தமிழரசி, சோமு ஆகியோரும் கலந்துகொண்டனா். ஆசிரியா்கள் ஜெகஜீவன், ஸ்டெல்லா, காயத்ரி, ஜான்சன், மகாலட்சுமி ஆகியோா் முகாமுக்கான ஏற்பாடுகளை செய்திருந்தனா்.