புதுச்சேரி மாநில, காரைக்கால் மாவட்ட காங்கிரஸ் சிறுபான்மைப் பிரிவு நிர்வாகிகள் நியமிக்கப்பட்டுள்ளனர்.
இதுகுறித்து புதுச்சேரி பிரதேச காங்கிரஸ் தலைவர் ஆ. நமச்சிவாயம் வெளியிட்ட அறிக்கை:
காரைக்கால் மாவட்ட காங்கிரஸ் கட்சியின் சிறுபான்மைப் பிரிவுத் தலைவராக எல்.எஸ்.பி. சோழசிங்கராயர் நியமிக்கப்பட்டுள்ளார். மாநிலத் துணைத் தலைவராக ஓ. முகம்மது அப்துல்லா நியமனம் செய்யப்பட்டுள்ளார்.
காரைக்கால் 5 சட்டப் பேரவைத் தொகுதிகளில், நெடுங்காடு தொகுதி தலைவராக ஆர்.ஆரோக்கியராஜ், திருநள்ளாறு தொகுதி தலைவராக என்.முகம்மது ஹனீபா, காரைக்கால் வடக்குத் தலைவராக இ.ஜெயசீலன், காரைக்கால் தெற்குத் தலைவராக ஜே.அப்துல் மஜீது மரைக்காயர், நிரவி - திருப்பட்டினம் தொகுதி தலைவராக எஸ்.கனீஷா மரைக்காயர் ஆகியோர் நியமிக்கப்பட்டுள்ளதாக அதில் தெரிவிக்கப்பட்டுள்ளது.