Enable Javscript for better performance
திருநள்ளாறு கோயிலில் மழை வேண்டி வருண ஜெபம்- Dinamani

சுடச்சுட

    

    மழை வேண்டி திருநள்ளாறு ஸ்ரீ தர்பாரண்யேசுவரர் கோயிலில் வருண ஜெபம் வியாழக்கிழமை நடைபெற்றது.
    காரைக்கால் மாவட்டத்தில், திருநள்ளாறு  தர்பாரண்யேசுவரர் கோயிலில் ஆண்டுதோறும் மழை வேண்டி, நந்தி பகவானுக்கு சிறப்பு வழிபாடு மற்றும் வருண ஜெபம் செய்வது வழக்கம். அதன்படி, நிகழாண்டு மாவட்ட ஆட்சியரும், தர்பாரண்யேசுவரர் கோயிலின் தனி அதிகாரியுமான ஏ. விக்ரந்த்ராஜா அறிவுறுத்தலின்பேரில், திருநள்ளாறு தர்பாரண்யேசுவரர் கோயிலில் வருண ஜெபம் வியாழக்கிழமை நடைபெற்றது.
    இதையொட்டி, கோயில் கொடி மரம் அருகே உள்ள நந்தியை சுற்றி தொட்டி அமைக்கப்பட்டு, சிறப்பு யாகம் நடத்தப்பட்டது. 
    பின்னர், நந்திக்கு புனிதநீரால் அபிஷேகம் செய்யப்பட்டு,  மகா தீபாராதனை காண்பிக்கப்பட்டது. சிவாச்சாரியார்கள் வேத மந்திரங்களும், ஓதுவார்கள் மழை வேண்டி பதிகமும் பாடினர்.  மேலும், மழை பெய்வதற்குரிய ராகத்தில் நாகசுரம் இசைக்கப்பட்டது. 
    பின்னர், தொட்டியில் நந்தியின் வாய் பகுதி வரை நீர் நிரப்பி மகா தீபாராதனை காட்டப்பட்டது.  தருமபுர ஆதீன கட்டளை விசாரணைப் பிரதிநிதி கந்தசாமி தம்பிரான் சுவாமிகள், கோயில் நிர்வாக அதிகாரி ஜே.சுந்தரம் உள்ளிட்ட முக்கிய பிரமுகர்கள் கலந்துகொண்டனர். 

    • அதிகம்
      படிக்கப்பட்டவை
    • அதிகம் இ-மெயில் செய்யப்பட்டவை
    google_play app_store
    kattana sevai