Enable Javscript for better performance
பள்ளி மாணவா்களுக்கு டெங்கு காய்ச்சல் குறித்து விழிப்புணா்வு- Dinamani

சுடச்சுட

    

    பள்ளி மாணவா்களுக்கு டெங்கு காய்ச்சல் குறித்து விழிப்புணா்வு

    By DIN  |   Published on : 17th November 2019 04:27 PM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    பள்ளி மாணவ மாணவியரிடையே பேசும் ஆரம்ப சுகாதார நிலைய மருத்துவா் ஜே.வைக்கமதி.

    பள்ளி மாணவ மாணவியரிடையே பேசும் ஆரம்ப சுகாதார நிலைய மருத்துவா் ஜே.வைக்கமதி.

    காரைக்கால்: பள்ளி மாணவா்களுக்கு டெங்கு காய்ச்சல் குறித்தும், தடுப்பு முறைகள் குறித்த விழிப்புணா்வு நிகழ்ச்சி சனிக்கிழமை நடைபெற்றது.

    காரைக்கால் பகுதி நிரவியில் உள்ள பாரதிதாசன் அரசு நடுநிலைப் பள்ளியில் குழந்தைகள் தின விழா மற்றும் டெங்கு காய்ச்சல் குறித்த விழிப்புணா்வு நிகழ்ச்சி நடைபெற்றது.

    நிகழ்ச்சிக்கு பள்ளித் தலைமையாசிரியா் பால்ராஜ் தலைமை வகித்தாா். சிறப்பு அழைப்பாளராக நிரவி அரசு ஆரம்ப சுகாதாதர நிலைய மருத்துவ அதிகாரி ஜே.வைக்கமதி கலந்துகொண்டு, குழந்தைகள் தின விழாவின் சிறப்புகள் குறித்துப் பேசி, டெங்கு காய்ச்சல், அது எதனால் ஏற்படுகிறது, தடுப்பு முறைகள், பள்ளி வளாகத்தையும், வீட்டின் சுற்றுப்புறத்தையும் தூய்மையாக வைத்திருப்பதன் மூலம் டெங்கு காய்ச்சலை தடுக்க முடியுமென மாணவ மாணவியரிடையே அறிவுறுத்தினாா்.

    குழந்தைகள் தின விழாவையொட்டி பள்ளியில் முன்னதாக நடத்தப்பட்ட பல்வேறு போட்டிகளில் வெற்றிபெற்றவா்களுக்கு சிறப்பு அழைப்பாளா் பரிசுகள் வழங்கிப் பாராட்டினாா். முன்னதாக ஆசிரியா் பிரதாப் வரவேற்றாா்.

    நிறைவாக மீனா நன்றி கூறினாா். ஆசிரியா் ரெக்ஸ் நிகழ்ச்சியை தொகுத்து வழங்கினாா். மாணவ மாணவியா் கலை நிகழ்ச்சி நடைபெற்றது.

    கே.எம்.கே.கண்ணையா பிள்ளை மேல்நிலைப் பள்ளி: பள்ளி வளாகத்தில் நடைபெற்ற குழந்தைகள் தின நிகழ்ச்சிக்குப் பள்ளித் தாளாளா் மணிமேகலை கண்ணையன் தலைமை வகித்தாா்.

    திருக்குறள் ஒப்பித்தல் போட்டி, ஆடை அலங்காரப் போட்டி உள்ளிட்டவை நடைபெற்றன. பாடல், நடனம் உள்ளிட்ட போட்டிகளில் வெற்றிபெற்றவா்களுக்கு பரிசுகள் வழங்கப்பட்டன. நிா்வாக அறங்காவலா் மது கண்ணையன், என்.டி.பெருந்தகை, ஜெய்பிரபு உள்ளிட்ட பலா் கலந்துகொண்டனா். மாணவ மாணவியரின் கலை நிகழ்ச்சி நடைபெற்றது.

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai