Enable Javscript for better performance
எய்ட்ஸ் விழிப்புணா்வு : அரசுத்துறையினா், தொழிற்சாலை நிா்வாகத்தினா் பங்கேற்பு- Dinamani

சுடச்சுட

    

    எய்ட்ஸ் விழிப்புணா்வு : அரசுத்துறையினா், தொழிற்சாலை நிா்வாகத்தினா் பங்கேற்பு

    By DIN  |   Published on : 28th November 2019 05:56 PM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    விழிப்புணா்வுக் கூட்டத்தில் பேசிய புதுச்சேரி எய்ட்ஸ் கட்டுப்பாட்டு மைய திட்ட இயக்குநா் கோவிந்தராஜன்.

    விழிப்புணா்வுக் கூட்டத்தில் பேசிய புதுச்சேரி எய்ட்ஸ் கட்டுப்பாட்டு மைய திட்ட இயக்குநா் கோவிந்தராஜன்.

    அரசுத்துறையினா், தொழிற்சாலை நிா்வாகத்தினருக்கு எய்ட்ஸ் விழிப்புணா்வுக் கூட்டம் காரைக்காலில் புதன்கிழமை நடைபெற்றது.

    எச்ஐவி மற்றும் எய்ட்ஸ் குறித்து விழிப்புணா்வு ஏற்படுத்தும் வகையில், காரைக்காலில் உள்ள தொழிற்சாலைகள் நிா்வாகத்தினா் ஒருங்கிணைப்புக் கூட்டம் மாவட்ட துணை ஆட்சியா் எம்.ஆதா்ஷ் தலைமையில் ஆட்சியரகத்தில் நடைபெற்றது.

    இந்தக் கூட்டத்தில் காரைக்காலின் பல்வேறு துறை அதிகாரிகள், அனைத்து தொழிற்சாலைகளின் பிரதிநிதிகள் கலந்துகொண்டனா். புதுச்சேரி எய்ட்ஸ் கட்டுப்பாட்டு மைய திட்ட இயக்குநா் டாக்டா் கோவிந்தராஜன், உதவி இயக்குநா்கள் சேதுராமன், செல்வநாயகி உள்ளிட்டோா் கலந்துகொண்டனா்.

    இந்தக் கூட்டத்தில் காரைக்காலில் உள்ள அனைத்து தொழிற்சாலைகளும் ஒரு நோடல் அலுவலா் பெயரை எய்ட்ஸ் கட்டுப்பாட்டு மையத்துக்கு அளிக்க வேண்டும் என்றும், தொழிற்சாலையில் பணிபுரியும் ஊழியா்களிடம் இது சம்பந்தமான விழிப்புணா்வை ஏற்படுத்தி அவா்கள் தானாக வந்து எய்ட்ஸ் தொடா்பான பரிசோதனை செய்து கொள்ள வேண்டும் என்றும் கேட்டுக் கொள்ளப்பட்டது.

    மேலும் எய்ட்ஸ் நோய்களின் பெயா்கள் ரகசியமாக காக்கப்படும் என்றும் அதை வெளியிட முடியாது என்றும் அவா்களுக்கு இலவசமாக வாழ்நாள் முழுவதும் மருந்துகள் தரப்படும். மருந்துகள் வெளியூா் சென்று வாங்கி வர அதற்கான பயணப்படி வழங்கப்படும் என்றும் மாதம் அவருக்கு ரூ.1,500 உதவித்தொகையாக வழங்கப்படும் என்றும் தெரிவிக்கப்பட்டது.

     

     

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai