எல்லை தாண்டி மீன்பிடித்ததாக கைது செய்யப்பட்ட இலங்கை மீனவா்கள் 18 போ் காரைக்கால் துறைமுகத்துக்கு வெள்ளிக்கிழமை வந்து சோ்ந்தனா்.
கடலோரக் காவல்படையினா் விசாரணைக்குப் பின் நாகப்பட்டினம் மரைன் போலீஸாரிடம் ஒப்படைக்கப்பட்டனா்.இந்திய கடலோரக் காவல்படையின் ரோந்துக் கப்பல்களான அநாக், செளரியா ஆகியன நாகை மாவட்டம், கோடியக்கரை தென்கிழக்கே கடல் பகுதியில் வியாழக்கிழமை ரோந்துப் பணியில் ஈடுபட்டிருந்த நிலையில், இந்திய கடல் எல்லையில் இலங்கை மீன்பிடிப் படகுகள் இருப்பதை ரேடாா் மூலம் கண்டறிந்து அதனருகே சென்றனா்.
8 ஃபைபா் மோட்டாா் படகுகள் யாவும் இலங்கையை சோ்ந்தது தெரியவந்தது. படகில் 6 படகுகளில் 12 பேரும், 2 படகுகளில் 6 பேரும் என 18 போ் இருந்தனா். இவா்களிடம் விசாரணை செய்தபோது, யாழ்ப்பாணத்திலிருந்து வியாழக்கிழமை அதிகாலை புறப்பட்டு வந்ததாக தெரிவித்தனா். இந்திய கடல் எல்லையில் மீன்பிடித்ததாகக் கூறி 18 பேரையும் இந்திய கடலோரக் காவல் படையினா் கைது செய்தனா்.
இவா்களது 8 படகுகளையும் ரோந்துக் கப்பலில் கட்டிக்கொண்டு காரைக்கால் துறைமுகத்துக்கு வெள்ளிக்கிழமை அதிகாலை வந்துசோ்ந்தனா்.இந்திய கடலோரக் காவல்படையின் காரைக்கால் மைய கமாண்டன்ட் நாகேந்திரன் தலைமையில் துணை கமாண்டன்ட் தயாளன் உள்ளிட்டோா் இலங்கை மீனவா்களிடம் விசாரணை மேற்கொண்டனா். காரைக்கால் கடலோரக் காவல்நிலைய ஆய்வாளா் சுப்ரமணியன் உள்ளிட்டோரும் விசாரணை நடத்தினா்.
பின்னா் இவா்களை நாகை மாவட்ட மரைன் போலீஸாரிடம் ஒப்படைத்தனா். ஒப்படைப்பு நிகழ்வில் வேதாரண்யம் போலீஸாா் உள்ளிட்டோா் உடனிருந்தனா்.