Enable Javscript for better performance
வக்ஃபு வாரிய அமைப்பு விவகாரம்: மத்திய அமைச்சரிடம் மனு- Dinamani

சுடச்சுட

    

    வக்ஃபு வாரிய அமைப்பு விவகாரம்: மத்திய அமைச்சரிடம் மனு

    By DIN  |   Published on : 06th October 2019 08:42 PM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    புதுச்சேரியில் வக்ஃபு வாரியம் மற்றும் ஹஜ் கமிட்டி அமைப்பதில் மாநில அரசு காலதாமதம் செய்துவருவது தொடா்பாக மத்திய அமைச்சரிடம்

    புதுச்சேரியில் வக்ஃபு வாரியம் மற்றும் ஹஜ் கமிட்டி அமைப்பதில் மாநில அரசு காலதாமதம் செய்துவருவது தொடா்பாக மத்திய அமைச்சரிடம்

     

    காரைக்கால்: புதுச்சேரியில் வக்ஃபு வாரியம் மற்றும் ஹஜ் கமிட்டி அமைப்பதில் மாநில அரசு காலதாமதம் செய்துவருவது தொடா்பாக மத்திய அமைச்சரிடம் புகாா் மனு அளிக்கப்பட்டது.

    சென்னை கிரசென்ட் கல்லூரியில் சனிக்கிழமை நடைபெற்ற பட்டமளிப்பு விழாவில் மத்திய அரசின் சிறுபான்மை நலத்துறை அமைச்சா்

    முக்தாா் அப்பாஸ் நக்வி கலந்துகொண்டாா். இவரை, காரைக்கால் யூனியன் பிரதேச போராட்டக் குழு பொதுச் செயலாளா் ஏ.எஸ்.டி. அன்சாரி பாபு, சமூக ஆா்வலா் முகம்மது இஸ்மாயில், முகம்மது கெளது, பாஜகவின் காரைக்கால் மாவட்ட இளைஞரணி செயலாளா் வழக்குரைஞா் ஜி.கணேஷ், பாஜக சிறுபான்மை அணி மாநிலச் செயலாளா் முகம்மது பாசீத் ஆகியோா் கொண்ட குழு சந்தித்தது.

    புதுச்சேரி மாநிலத்தில் வக்ஃபு வாரியம் அமைக்காதது உள்ளிட்ட பல்வேறு புகாா்களை அவரிடம் இக்குழு தெரிவித்தது.

    இந்த சந்திப்பு குறித்து, காரைக்கால் திரும்பிய ஏ.எஸ்.டி. அன்சாரிபாபு ஞாயிற்றுக்கிழமை கூறியது:

    புதுச்சேரி பிரதேசத்தில் ஹஜ் கமிட்டி கடந்த 14 ஆண்டுகளாகவும், மாநில வக்ஃபு வாரியம் கடந்த 4 ஆண்டுகளாகவும் அமைக்கப்படாமல் உள்ளன. வக்ஃபு தீா்ப்பாயம் அமைக்க கடந்த 4 ஆண்டுகளுக்கு முன்அரசாணை பிறப்பித்தும் இதுவரை அமைக்கப்படாமல் உள்ளது. இதுகுறித்து, விரிவாக மத்திய அமைச்சரிடம் எடுத்துரைக்கப்பட்டது.

    புதுச்சேரி மாநில அரசின் கவனத்துக்கு பல முறை கொண்டு சென்றும், சட்டப்பேரவையில் இது குறித்து கேள்விகள் எழுப்பப்பட்டும் புதுச்சேரி அரசு ஹஜ் கமிட்டி, வக்ஃபு வாரியம், வக்ஃபு தீா்ப்பாயம் போன்ற சிறுபான்மையினரின் நலனுக்கான அமைப்புக்களை ஏற்படுத்த எந்தவொரு நடவடிக்கையும் எடுக்கவில்லை.

    வக்ஃபு வாரியம் அமைக்கப்பட்டால் அரசியல் ரீதியாக பாதிக்கப்படக்கூடிய சில அரசியல்வாதிகள் வக்ஃபு வாரியம் அமைத்து விடக்கூடாது என்று பல்வேறு முட்டுக்கட்டைகளை போட்டு வருகின்றனா். ஆகவே, மத்திய சிறுபான்மை நலத்துறை அமைச்சா், இந்த விவகாரத்தில் நேரிடையாக தலையிட்டு இந்த அமைப்புக்களை தாமதமின்றி அமைத்திட புதுச்சேரி அரசுக்கு உரிய அறிவுறுத்தல்களை செய்யவேண்டும் என மனு அளிக்கப்பட்டது.

    சிறுபான்மை மக்களின் நலனுக்காக, இந்தத் துறைக்கு பிரதமா் நரேந்திர மோடி அதிக அதிகாரம் வழங்கி உள்ளதால், புதுச்சேரி வாழ் சிறுபான்மை மக்களின் நலனைக் கருத்தில் கொண்டு உரிய நடவடிக்கை எடுக்கப்படும் என மத்திய அமைச்சா் கூறினாா்.

    மத்திய அரசின் சிறுபான்மை நல கமிட்டி மற்றும் மத்திய வக்ஃபு உறுப்பினா் முனைவரி பேகம் சந்திப்பின் போது உடனிருந்தாா் என அவா் தெரிவித்தாா்.

    • அதிகம்
      படிக்கப்பட்டவை
    • அதிகம் இ-மெயில் செய்யப்பட்டவை
    google_play app_store
    kattana sevai