திருமலைராயன்பட்டினம் பிரசன்ன வெங்கடேசப் பெருமாள்- அலமேலு மங்கைத்தாயாா் திருக்கல்யாண உத்ஸவம் வியாழக்கிழமை இரவு நடைபெற்றது.
காரைக்கால் மாவட்டம், திருமலைராயன்பட்டினம் பிரசன்ன வெங்கடேசப் பெருமாள் கோயிலில் கடந்த மாதம் குடமுழுக்கு நடைபெற்றது. தொடா்ந்து, புரட்டாசி மாதம் ஒவ்வொரு சனிக்கிழமையும் மூலவா் சிறப்பு அலங்காரத்தில் பக்தா்களுக்கு காட்சியளிக்க ஏற்பாடு செய்யப்பட்டுள்ளது. உத்ஸவரை சனிக்கிழமைகளில் பள்ளியறையில் எழுந்தருளச் செய்து அா்ச்சனை உள்ளிட்ட வழிபாடுகள் மேற்கொள்ளப்படுகின்றன.
புரட்டாசி மாத சிறப்பு வழிபாடாக வியாழக்கிழமை இரவு, பிரசன்ன வெங்கடேசப் பெருமாள்- அலமேலு மங்கைத் தாயாா் திருக்கல்யாண உத்ஸவம் நடைபெற்றது.
கோயிலில் ஆண்டாள் சன்னிதி அருகே சுவாமிகளை எழுந்தருளச் செய்து, வரிசை கொண்டுவருதல், மாலை மாற்றும் நிகழ்ச்சிகள் நடைபெற்றன. சிறப்பு ஹோமம் நடத்தி, பெருமாள் சாா்பில் பட்டாச்சாரியாா் தாயாருக்கு திருமாங்கல்யதாரணம் செய்தாா்.
தொடா்ந்து தேங்காய் உருட்டுதல், வாரணமாயிரம் பாசுரம் படித்தல் வைபவமும் நடைபெற்றது. நிரவி - திருப்பட்டினம் தொகுதி சட்டப் பேரவை உறுப்பினா் கீதாஆனந்தன் உள்ளிட்ட முக்கிய பிரமுகா்கள், ஏராளமான பக்தா்கள் கலந்துகொண்டு சுவாமிகளை வழிபட்டனா்.
திருக்கல்யாண உத்ஸவத்தில் பங்கேற்றேறாருக்கு கோயில் நிா்வாகம் சாா்பில் தாம்பூலப்பை வழங்கப்பட்டது. நிகழ்ச்சிக்கான ஏற்பாடுகளை கோயில் தனி அதிகாரி கே.ரேவதி மற்றும் ஆழ்வாா் அருட்பணி மன்றத்தினா் செய்திருந்தனா்.