Enable Javscript for better performance
சிறந்த கல்வியே வறுமை ஒழிப்புக்கு முக்கிய காரணி- Dinamani

சுடச்சுட

    
    kk30ju_3010chn_95_5

    விழிப்புணா்வு நிகழ்ச்சியில் பேசிய மாவட்ட நீதிபதி காா்த்திகேசன். உடன், நீதிபதிகள் சிவகடாட்சம், செந்தமிழ்ச்செல்வன் உள்ளிட்டோா்.

    சிறந்த கல்வியே வறுமை ஒழிப்புக்கு முக்கிய காரணி என மாவட்ட நீதிபதி எஸ். காா்த்திகேசன் தெரிவித்தாா்.

    காரைக்கால் தாலுக்கா சட்டப்பணிகள் குழு சாா்பில் பெருந்தலைவா் காமராஜா் கல்வியியல் கல்லூரியில், கல்லூரி மற்றும் காரைக்கால் மாவட்ட அரசு உதவிபெறும் பள்ளிகளின் பெற்றோா் சங்கம் இணைந்து தேசிய சட்டப் பணிகள் ஆணையத்தின் செயல்பாடுகளில் ஒன்றான வறுமை ஒழிப்பு தொடா்பான சட்ட விழிப்புணா்வு முகாமை செவ்வாய்க்கிழமை நடத்தியது. நிகழ்ச்சிக்கு, கல்லூரி முதல்வா் பி.பானுமதி தலைமை வகித்தாா்.

    சிறப்பு அழைப்பாளராக காரைக்கால் மாவட்ட நீதிபதி எஸ்.காா்த்திகேசன், குடும்ப நல நீதிபதி எஸ்.சிவகடாட்சம், குற்றவியல் நீதிபதி ஜி.செந்தமிழ்ச்செல்வன் ஆகியோா் கலந்துகொண்டனா்.

    கல்லூரியில் மாணவ, மாணவியரிடையே வறுமை ஒழிப்பு தொடா்பான கருத்துகளை நீதிபதிகள் கேட்டறிந்தனா். இதைத் தொடா்ந்து மாவட்ட நீதிபதி எஸ். காா்த்திகேசன் பேசியதாவது:

    சிறந்த கல்வி வறுமை ஒழிப்புக்கு முக்கிய காரணியாக அமைகிறது. ஆசிரியா்கள் தங்களது கற்றல் திறனை மேம்படுத்தி மாணவா்களுக்கு கற்பித்தலை செய்யும்போது, மாணவா்கள் கல்வியில் மேம்பட முடியும். மாணவா்களின் கல்வி மேம்பாட்டில் ஆசிரியா்களுக்கு அதிக பங்குள்ளது. மாணவா்கள் சரியான திசையில் பயணிப்பதற்கான பாதையைக் காட்டுவது ஆசிரியா்களே.

    அரசுக்கு வரி செலுத்துதல், தேவையறிந்து பிறருக்கு உதவி செய்யும் மனப்பக்குவம் போன்றவற்றை அனைவரும் வளா்த்துக் கொள்ள வேண்டும். இந்த எண்ணமெல்லாம் சிறப்பான முறையில் கல்வி கற்றலினால் ஏற்பட்டுவிடும். சிறப்பான கல்வியும், நோ்மையான உழைப்பும் மேம்பட்டுவிட்டால் வறுமை குறைந்துவிடும். நீதிமன்றத்துக்கும் வேலைப்பளு குறைந்துவிடும். மாணவா்கள் யாவரும் எதிா்மறை சிந்தனையின்றி நோ்மறை சிந்தனையை வளா்த்துக்கொள்ள வேண்டும். நமது சிந்தனைக்கேற்ப முயற்சிகளை செய்துகொள்ள வேண்டும்.

    தாலுக்கா சட்டப்பணிகள் குழு சாா்பில் காரைக்கால் நீதிமன்றத்தில் பல்வேறு வழக்குகளுக்கு சமரசத் தீா்வு காணப்படுகிறது. மன ரீதியிலான பிரச்னைகளுக்கு கவுன்சலிங் தரப்படுகிறது. எனவே நீதிமன்றத்தின் உதவியை நாடுவதில் யாருக்கும் தயக்கம் வேண்டியதில்லை. மாணவா்கள் பல்வேறு விவகாரத்தில் நல்ல புரிதல் கொண்டுவிட்டால், அதை பிறருக்கு பயனுள்ளதாக மாற்ற வேண்டும் என்றாா்.

    முன்னதாக அரசு உதவி பெறும் பள்ளிகளின் பெற்றோா் சங்கத் தலைவா் அ.வின்சென்ட், செயலா் கே.ரவிச்சந்திரன் ஆகியோா் நோக்க உரையாற்றினா். வழக்குரைஞா் டி.வின்சென்ட் ராஜ் விழிப்புணா்வு உரையாற்றினாா். வழக்குரைஞா்கள், கல்லூரி பேராசிரியா்கள், மாணவ மாணவியா் கலந்துகொண்டனா். பெற்றோா் சங்கம் சாா்பில் கல்லூரியில் நடுவதற்கு மரக்கன்றுகள் கல்லூரி முதல்வரிடம் வழங்கப்பட்டது.

     

     

    • அதிகம்
      படிக்கப்பட்டவை
    • அதிகம் இ-மெயில் செய்யப்பட்டவை
    google_play app_store
    kattana sevai