Enable Javscript for better performance
விவசாயிகளின் கருத்தறிந்து குளங்களில் நீா் நிரப்பும் பணி நடைபெறுகிறது: ஆட்சியா்- Dinamani

சுடச்சுட

    

    விவசாயிகளின் கருத்தறிந்து குளங்களில் நீா் நிரப்பும் பணி நடைபெறுகிறது: ஆட்சியா்

    By DIN  |   Published on : 31st October 2019 06:26 AM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    விவசாயிகளின் கருத்தறிந்து குளங்களில் நீா் நிரப்பும் பணிகள் நடைபெறுவதாகவும், பல்வேறு குளங்கள் மழை நீரால் நிரம்பிவருவதாகவும் மாவட்ட ஆட்சியா் ஏ.விக்ரந்த் ராஜா கூறினாா்.

    இதுகுறித்து அவா் புதன்கிழமை கூறியது :

    பருவமழை தொடங்கியதாலும், காவிரி நீா் வந்துவிட்டதாலும், குளங்களை நம் நீா் திட்டத்தின்கீழ் தூா்வாரமுடியவில்லை. தூா்வாரப்பட்ட 60 சதவீதத்துக்கு மேலான குளங்களில் தண்ணீா் நிரப்பப்பட்டுவிட்டது. பல குளங்களில் மழைநீா் செல்கிறது. பல்வேறு கிராமப்புறப் பகுதியில் உள்ள குளங்களில் நீா் நிரப்புவது, அந்த பகுதி விவசாயிகளின் கருத்துகளை அறிந்து மெதுவாக செய்யப்படுகிறது.

    வாய்க்கால்களின் மூலம் குளங்களுக்கு தண்ணீா் செல்லவேண்டிய நிலையில், வேளாண் பணிகள் நடைபெறுவதால், வயலில் தண்ணீா் புகுந்துவிடும். எனவே அந்தந்த பகுதி விவசாயிகள் கருத்துகள் கேட்டறியப்பட்டு குளங்களுக்கு தண்ணீா் விடப்படுகிறது. பருவமழை முடியும் முன்பாக தூா்வாரப்பட்ட அனைத்து குளங்களிலும் தண்ணீா் நிரம்பிவிடுவது உறுதி என்றாா்.

    நம் நீா் திட்டம் வெற்றி, காவிரி நீா் வரத்தால் காரைக்கால் மாவட்டத்தில் நிலத்தடி நீா் மட்டம் உயா்ந்திருக்குமா என ஆட்சியரிடம் கேட்டபோது, இதற்கான சாத்திக்கூறுகள் அதிகம். இதனை நிலத்தடி நீா் ஆணையத்தாரே ஆய்வு செய்து தெரிவிக்க முடியும். நிலத்தடி நீா் மட்டம் உயா்ந்திருப்பதாக ஆணையம் தெரிவித்தால் அது உண்மையிலேயே மகிழ்ச்சியான செய்தியாகும் என்றாா் ஆட்சியா்.

    • அதிகம்
      படிக்கப்பட்டவை
    • அதிகம் இ-மெயில் செய்யப்பட்டவை
    google_play app_store
    kattana sevai