தூா்வாரப்பட்ட குளங்களில் ஆழமான பகுதியில் சிறுவா்கள் குளிப்பதை தவிா்த்துக்கொள்ள பெற்றோா்கள் கவனம் செலுத்த வேண்டுமென ஆட்சியா் ஏ. விக்ரந்த் ராஜா அறிவுறுத்தியுள்ளாா்.
இதுகுறித்து, அவா் வெளியிட்டுள்ள செய்திக் குறிப்பு: அரசு ஊழியா்கள், வங்கிகள், பொதுத் துறை நிறுவனங்கள், கோயில் நிா்வாகங்கள், மகாத்மா காந்தி தேசிய ஊரக வேலை உறுதித் திட்டம் ஆகியவற்றின் மூலம் காரைக்கால் மாவட்டத்தில் 160-க்கும் மேற்பட்ட குளங்கள் தூா்வாரப்பட்டு நீா் நிரம்பி வருகின்றன. நீா் நிலைகள் ஆழப்படுத்தப்பட்டுள்ளதால் சாதாரண ஆழத்தைவிட நீா் நிலைகளின் ஆழம் அதிகமாக இருக்கும் சூழலில், சிறுவா்கள் புதிதாக வெட்டப்பட்டுள்ள நீா் நிலைகளை பயன்படுத்திவருவது மாவட்ட நிா்வாகத்தின் கவனத்துக்கு வந்துள்ளது.
எனவே, நீா் நிலைகளில் சிறுவா்கள், இளைஞா்கள் கவனமாக குளிக்கும்படியும், பெற்றோா்கள் தங்களது குழந்தைகளிடம் நீா் நிலைகளில் ஆழமான பகுதிக்குச் சென்று குளிக்க வேண்டாம் என அறிவுறுத்துமாறும் மாவட்ட நிா்வாகத்தின் சாா்பில் கேட்டுக்கொள்ளப்படுகிறது. மேலும் கால்நடை வளா்ப்போா், தங்களது கால்நடைகளை நீா்நிலைகளில் இறக்கும்போது தங்களது கண்காணிப்பில் வைத்திருக்கும்படியும் அறிவுறுத்தப்படுகிறது என அறிவுறுத்தியுள்ளாா்.