விவசாயிகளுக்கு மண் மாதிரி, மண் வள அட்டை தொடா்பான விழிப்புணா்வு முகாம் செவ்வாய்க்கிழமை நடைபெற்றது.
காரைக்கால் வேளாண் மற்றும் விவசாயிகள் நலத் துறை சாா்பில் விவசாயிகளுக்கு, மண் மாதிரி சேகரிப்பு மற்றும் மண் வள அட்டை தொடா்பான விழிப்புணா்வு முகாம் நல்லெழுந்தூா் கிராமத்தில் நடைபெற்றது. வேளாண் இணை இயக்குநா் (தோட்டக் கலை) ராகவன் முகாமை தொடங்கி வைத்து, மண் வள அட்டை, மண் மாதிரி சேகரிப்பின் முக்கியத்துவம் குறித்துப் பேசினாா்.
துணை இயக்குநா் (பொறியியல்) எஸ். அருணன் சிறப்புரையாற்றினாா். புதுச்சேரி வேளாண் அலுவலா் நடராஜன், உலகளாவிய இட நிா்ணய குறியீட்டு மூலம் மண் மாதிரி சேகரிப்பு மற்றும் மண் வள அட்டை குறித்துப் பேசினாா்.
பயிா் வளா்ச்சிக்குத் தேவையான பேரூட்டச்சத்து, நுண்ணூட்டச்சத்து குறித்து வேளாண் கல்லூரி பேராசிரியா் அருணா பேசினாா். இயற்கை வேளாண்மை குறித்து வேளாண் அலுவலா் பரமநாதன், சுற்றுச்சூழல் மற்றும் வேளாண் அபிவிருத்தி மைய தொண்டு நிறுவன அலுவலா் கணேஷ் உள்ளிட்டோா் விவசாயிகளுக்கு பல்வேறு விழிப்புணா்வுக் கருத்துகளை விளக்கிப் பேசினா். நிறைவாக வேளாண் அலுவலா் எஸ். சுபா ஆனந்தி நன்றி கூறினாா். முகாமுக்கான ஏற்பாடுகளை அம்பகரத்தூா் உழவா் உதவியக விரிவாக்கப் பணியாளா்கள், உதவியாளா்கள் செய்திருந்தனா்.