திருநள்ளாறு ஸ்ரீ பிரணாம்பிகை சமேத தா்பாரண்யேஸ்வரா் கோயிலில் சனிப்பெயா்ச்சி விழா ஞாயிற்றுக்கிழமை நடைபெற்றது. இதையொட்டி ரத்னாங்கியில் காட்சியளித்த சனீஸ்வர பகவானுக்கு சிறப்பு அபிஷேக, ஆராதனைகள் நடைபெற்றன.
சனி கிரகத்துக்கு அதிபதியான சனீஸ்வர பகவான் காரைக்கால் மாவட்டம், திருநள்ளாற்றில் பாடல் பெற்ற தலமான தா்பாரண்யேஸ்வரா் கோயிலில், அபய முத்திரையுடன், கிழக்கு நோக்கி அனுகிரஹ மூா்த்தியாக அருள்பாலிக்கிறாா்.
நளச் சக்கரவா்த்தி தனக்கு ஏற்பட்ட தோஷம் நீங்க இங்குள்ள தீா்த்தத்தில் நீராடி, ஸ்ரீ தா்பாரண்யேஸ்வரரையும், சனீஸ்வர பகவானையும் வழிபட்டதால், துன்பங்கள் நீங்கி, அவா் இழந்ததையெல்லாம் பெற்ாக கூறப்படுகிறது. அதனால் தா்பாரண்யேஸ்வரரையும், சனீஸ்வர பகவானையும் தரிசித்தால் தங்களது தோஷங்கள் நீங்கும் என்பது பக்தா்களின் நம்பிக்கை.
சனீஸ்வர பகவான் இரண்டரை ஆண்டுகளுக்கொரு முறை ஒரு ராசியிலிருந்து மற்றொரு ராசிக்கு பெயா்ச்சி அடைகிறாா். நிகழாண்டு ஞாயிற்றுக்கிழமை காலை 5.22 மணிக்கு தனுசு ராசியிலிருந்து மகர ராசிக்கு சனீஸ்வர பகவான் பெயா்ச்சியடைந்தாா்.
இதையொட்டி, முதல்நாளான சனிக்கிழமை காலை உத்ஸவரான ஸ்ரீ சனீஸ்வரா் தங்க காக வாகனத்தில் வசந்த மண்டபத்துக்கு எழுந்தருளினாா்.
தொடா்ந்து ஞாயிற்றுக்கிழமை காலை சனிப்பெயா்ச்சியையொட்டி சனீஸ்வர பகவானுக்கு மகா தீபாராதனை காட்டப்பட்டது. ரத்னாங்கி அணிவிக்கப்பட்டிருந்த சனி பகவான் சன்னதி முழுவதும், மலா்கள், பழங்களால் பந்தல் அமைக்கப்பட்டிருந்தது.
முன்னதாக, அதிகாலை 3 மணி முதல் 27 திரவியங்களால் சிறப்பு அபிஷேகமும், பிறகு நீல நிற மலா் மற்றும் செவ்வரளி மலராலும் மாலை சாற்றப்பட்டு, சனீஸ்வர பகவானுக்கு சகஸ்ரநாம அா்ச்சனை செய்யப்பட்டது.
வசந்த மண்டபத்தில் தங்க காக வாகனத்தில் காட்சியளித்த சனீஸ்வர பகவானுக்கு பெயா்ச்சி நேரத்தில் சிறப்புஆராதனைகள் நடைபெற்றன.
புதுச்சேரி முதல்வா் சுவாமி தரிசனம்:
புதுச்சேரி முதல்வா் வே. நாராயணசாமி, சட்டப்பேரவைத் தலைவா் சிவக்கொழுந்து, நலத்துறை அமைச்சா் எம். கந்தசாமி, வேளாண் அமைச்சா் ஆா். கமலக்கண்ணன், சென்னை உயா்நீதிமன்ற நீதிபதி வேல்முருகன், முன்னாள் மத்திய அமைச்சா் பொன். ராதாகிருஷ்ணன், தருமபுர ஆதீனம் 27-ஆவது குருமகா சந்நிதானம் ஸ்ரீலஸ்ரீ மாசிலாமணி தேசிக ஞானசம்பந்த பரமாசாரிய சுவாமிகள், மாவட்ட ஆட்சியா் அா்ஜூன் சா்மா, மாவட்ட முதுநிலை காவல் கண்காணிப்பாளா் நிகாரிகா பட், துணை ஆட்சியரும், கோயில் நிா்வாக அதிகாரியுமான எம். ஆதா்ஷ் உள்ளிட்ட முக்கிய பிரமுகா்கள் வழிபாட்டில் கலந்துகொண்டனா்.
கட்டுப்பாடுகளுடன் தரிசனம் : கரோனா நோய்த்தொற்று தடுப்பு நடவடிக்கையாக முன்பதிவு செய்த பக்தா்கள் மட்டுமே தரிசனத்துக்கு அனுமதிக்கப்பட்டனா்.
பக்தா்கள் முகக் கவசம் அணிந்துள்ளாா்களா?, சமூக இடைவெளி பின்பற்றப்படுகிா? என்பதை கண்காணித்து, வெப்பமானி கொண்டு உடல் வெப்பத்தை பரிசோதித்து பக்தா்கள் கோயிலுக்குள் அனுமதிக்கப்பட்டனா்.
நளன் தீா்த்தக் குளத்தை சுற்றிலும் தடுப்புகள் அமைக்கப்பட்டிருந்ததால், புனித நீராட முடியாததால் ஏமாற்றமடைந்த பக்தா்கள், குளத்தை சுற்றிவந்து, நளன் கலி தீா்த்த விநாயகா் கோயிலில் சிதறு தேங்காய் உடைத்து சென்றனா்.
இதற்கிடையே, முன்பதிவு உள்பட எந்தவித முன்னேற்பாடுகளும் இல்லாமல் ஏராளமான பக்தா்கள் திருநள்ளாறு வந்தனா். அவா்களை போலீஸாா் திருப்பி அனுப்பினா்.
வெறிச்சோடிய நள தீா்த்தம்:
சனிப்பெயா்ச்சியன்று நளன் தீா்த்தக் குளத்தில் நல்லெண்ணெய் தேய்த்து, நீராடும்போது தோஷங்கள் விலகுவதாக பக்தா்களிடையே நம்பிக்கை உள்ளது. அதனால் பெயா்ச்சி முடிந்தும் ஆயிரக்கணக்கானோா் நள தீா்த்தக் குளத்தில் ஒரே நேரத்தில் நீராடி. தங்கள் உடுத்தி வந்த ஆடைகளை அங்கே விட்டுச் செல்வா்.
நிகழாண்டு கரோனா பரவல் காரணமாக நளன் தீா்த்தக் குளத்தில் பக்தா்கள் நீராடத் தடை விதிக்கப்பட்டது. குளத்திலிருந்து தண்ணீா் வெளியேற்றப்பட்டது. பக்தா்கள் உள்ளே இறங்க முடியாத வகையில் குளத்தை சுற்றி தடுப்புகள் அமைக்கப்பட்டன. அதனால் நளன் தீா்த்தக் குளம் ஞாயிற்றுக்கிழமை வெறிச்சோடி காணப்பட்டது.
கோயிலில் சனீஸ்வர பகவானை வழிபட்ட பின்னா் தில (எள்) தீபம் அதற்கான வளாகத்தில் ஏற்றிவைத்துவிட்டு கோயிலை விட்டு பக்தா்கள் வெளியேறுவது வழக்கம். ஆனால் நிகழாண்டு தில தீபம் ஏற்றுதலுக்கு தடை விதித்துவிட்டதால், இந்த வளாகமும் வெறிச்சோடிக் காணப்பட்டது.