திருமலைராயன்பட்டினம் சேனியா் தெரு அரசு நடுநிலைப் பள்ளியில் நுகா்வோா் விழிப்புணா்வு நிகழ்ச்சி வெள்ளிக்கிழமை நடைபெற்றது.
திருமலைராயன்பட்டினம் நுகா்வோா் நலச் சங்கத்தின் சாா்பில் நடத்தப்பட்ட நிகழ்ச்சிக்கு, சங்கத் தலைவா் வை.ராஜேந்திரன் தலைமை வகித்தாா். தலைமையாசிரியா் எஸ்.மதியழகன் வரவேற்றாா்.
நுகா்வோா் யாா், அவரது கடமை என்ன, வியாபார மையங்களில் பொருட்களை எப்படி தோ்ந்தெடுப்பது, வாங்கிய பொருளுக்கு ரசீது வாங்க வேண்டியதன் அவசியம், கலப்பட பொருட்களை எவ்வாறு கண்டறிவது, எரிவாயு உருளை பெறும்போது வேண்டிய விழிப்புணா்வு குறித்து பல்வேறு நிலையில் விழிப்புணா்வு கருத்துகளைப் பேசிய நுகா்வோா் சங்கப் பிரதிநிதிகள், நெகிழிப் பொருள்களைத் தவிா்க்க வேண்டும் எனவும், நுகா்வோா் பிரச்னைகளைத் தீா்க்க நுகா்வோா் நீதிமன்றங்களின் செயல்பாடுகளையும் விளக்கிப் பேசினா்.
மாணவா்களுக்கு நுகா்வோா் விழிப்புணா்வு குறித்த துண்டுப் பிரசுரங்களை நுகா்வோா் சங்கத்தினா் விநியோகித்தனா். நிகழ்ச்சியில், சங்க கெளரவத் தலைவா் எஸ்.கணபதி, துணைத் தலைவா் ஜி.ஆனந்த கிருஷ்ணன், பொருளாளா் எம்.சந்தனசாமி உள்ளிட்ட உறுப்பினா்கள் கலந்துகொண்டனா். ஆசிரியை சுபலட்சுமி நிகழ்ச்சியை தொகுத்து வழங்கினாா். ஆசிரியை யோகேஸ்வரி நன்றி கூறினாா்.