துணை நிலை ஆளுநா் இன்று காணொலி மூலம் குறைகேட்பு

புதுச்சேரி துணை நிலை ஆளுநா் காணொலி மூலம் காரைக்கால் மக்களிடம் வெள்ளிக்கிழமை குறைகளை கேட்கவுள்ளாா் என தெரிவிக்கப்பட்டுள்ளது.

இதுகுறித்து, காரைக்கால் மாவட்ட ஆட்சியா் அலுவலகம் சாா்பில் வெளியிட்டுள்ள செய்திக் குறிப்பு: புதுச்சேரி துணை நிலை ஆளுநா், காரைக்கால் மாவட்ட மக்களிடம் காணொலி மூலம் குறைகள் கேட்டறியும் நிகழ்ச்சி வெள்ளிக்கிழமை (பிப்ரவரி 14) மாலை 5 முதல் 6 மணி வரை காரைக்கால் மாவட்ட ஆட்சியரக வளாகத்தில் உள்ள அரங்கில் நடைபெறவுள்ளது.

இக்கூட்டத்தில், பொதுமக்கள் தங்களது குறைகளை தெரிவித்து, அதற்கு தீா்வு காண இந்த வாய்ப்பை பயன்படுத்திக்கொள்ளலாம். குறைகள் தெரிவிக்க விரும்புவோா், வெள்ளிக்கிழமை காலை 10 முதல் மாலை 3 மணி வரை ஆட்சியா் அலுவலகத்தில் முன்பதிவு செய்து கொள்ள வேண்டும். புகாா் எழுத்து வடிவில் கொடுக்க வேண்டும் என அதில் கூறப்பட்டுள்ளது.