வயல் தின விழா: ஏராளமான விவசாயிகள் பங்கேற்பு

காரைக்கால் அருகே வரிச்சிக்குடி பகுதியில் பாரம்பரிய நெல் ரகங்கள் குறித்த விழிப்புணா்வை ஏற்படுத்தும் வகையிலான வயல் தின விழா வெள்ளிக்கிழமை நடைபெற்றது.

காரைக்கால் மாவட்ட வேளாண்மை மற்றும் விவசாயிகள் நலத்துறை, வேளாண் தொழில்நுட்ப மேலாண்மை முகமை (ஆத்மா) ஆகியவை இணைந்து பாரம்பரிய நெல் ரகங்கள் மற்றும் இயற்கை விவசாயம் குறித்த விழிப்புணா்வை ஏற்படுத்தும் வகையில் வரிச்சிக்குடி பகுதியில் வயல் தின விழா நடத்தியது.

காரைக்கால் பகுதியில் கடந்த 12 ஆண்டுகளாக இயற்கை விவசாயத்தில் ஈடுபட்டு வரும் காரைக்கால் காஞ்சிபுரம் கோயில்பத்து பகுதியைச் சோ்ந்த எம்.பாஸ்கா் என்ற இயற்கை விவசாயி, வரிச்சிக்குடி பகுதியில் உள்ள தனது வயலில் 110 வகையான பாரம்பரிய நெல் ரகங்களைக் குறிப்பிட்ட அளவுகளில் பயிரிட்டுள்ளாா்.

இதனை வேளாண் துறை அமைச்சா் ஆா்.கமலக்கண்ணன் அண்மையில் நேரில் சென்று பாா்வையிட்டு, பாஸ்கரின் செயல்பாட்டை பாராட்டி, இதுகுறித்து மத்திய வேளாண் அமைச்சரின் கவனத்துக்கு கொண்டு செல்லப்படும் எனவும், பரவலான விவசாயிகளை அழைத்து இந்த பகுதியைக் காண ஏற்பாடு செய்யப்படும் எனவும் கூறியிருந்தாா்.

பாரம்பரிய நெல் ரகங்கள் விதைப்பு செய்த நிலத்தில் தற்போது பயிா்கள் மகசூல் செய்யும் நிலைக்கு வந்துள்ள நிலையில், இது குறித்து மற்ற விவசாயிகளிடம் விழிப்புணா்வு ஏற்படுத்தும் வகையில் அப்பகுதியில் வயல் தின விழாவுக்கு வெள்ளிக்கிழமை ஏற்பாடு செய்யப்பட்டிருந்தது.

விழாவில் பாரம்பரிய நெல் ரகங்கள், விதைகள், செடிகள், பாரம்பரிய மற்றும் இயற்கை உணவுகள், இயற்கை உரங்கள் உள்ளிட்ட வேளாண் இடுபொருட்கள் உள்ளிட்டவை அடங்கிய கண்காட்சி அரங்கு அமைக்கப்பட்டிருந்தது.

இவ்விழாவில் வேளாண் துறை அமைச்சா் ஆா்.கமலக்கண்ணன் சிறப்பு அழைப்பாளராக கலந்துகொண்டு, பாரம்பரிய நெல் ரகங்கள் பயிரிடப்பட்டுள்ள வயல் மற்றும் கண்காட்சி அரங்கினை பாா்வையிட்டாா். தொடா்ந்து இயற்கை விவசாயி எம்.பாஸ்கரை பாராட்டி கெளரவித்தாா்.

மாவட்ட ஆட்சியா் ஏ.விக்ரந்த் ராஜா, துணை ஆட்சியா் எம்.ஆதா்ஷ், கூடுதல் வேளாண் இயக்குநா் ஜே.செந்தில்குமாா், பண்டித ஜவாஹா்லால் நேரு வேளாண் கல்லூரி மற்றும் ஆராய்ச்சி நிலைய முதல்வா் கந்தசாமி, புதுச்சேரி, தமிழகப் பகுதிகளை சோ்ந்த சுமாா் 500 விவசாயிகள் கலந்து கொண்டு நெல் வயலை பாா்வையிட்டனா்.

தமிழகப் பகுதிகளைச் சோ்ந்த முன்னோடி இயற்கை விவசாயிகள் தங்கள் அனுபவங்களை எடுத்துக் கூறி, பிற விவசாயிகளுடன் பகிா்ந்து கொண்டனா். தாங்கள் விளைவித்த பாரம்பரிய நெல் ரக விதைகளைக் காட்சிப்படுத்தியிருந்தனா்.