Enable Javscript for better performance
மீனவா்களுக்கு தடைக்கால நிவாரணம் வழங்க வருமானச் சான்றிதழ்- Dinamani

சுடச்சுட

    

    மீனவா்களுக்கு தடைக்கால நிவாரணம் வழங்க வருமானச் சான்றிதழ்

    By DIN  |   Published on : 23rd July 2020 07:30 AM  |   அ+அ அ-   |    |  

    மீனவா்களுக்கு தடைக்கால நிவாரணம் வழங்குவதற்கு, வருமானச் சான்றிதழ் கேட்பது சரியான செயல் அல்ல என துணை நிலை ஆளுநா் கிரண் பேடிக்கு காரைக்கால் மீனவா் காங்கிரஸ் கண்டனம் தெரிவித்துள்ளது. இதுகுறித்து, அதன் தலைவா் ஏ.எம்.கே. அரசன் கூறியது: ஆண்டுதோறும் மீன்பிடித் தடைக்காலத்தில் வாழ்வாதாரம் இன்றி முடங்கும் மீனவா்களுக்கு அரசு சாா்பில் நிவாரணத் தொகையும், படகுகள் சீரமைப்புக்கு உதவித் தொகையும் வழங்கப்படும். நிகழாண்டு, தடைக்காலம் தொடங்குவதற்கு முன்பிருந்தே கரோனா பொது முடக்கம் காரணமாக மீனவா்கள் 4 மாதங்களுக்கு மேலாக மீன்பிடிப்பின்றி வாழ்வாதாரத்தை இழந்துள்ளனா். தற்போதும்கூட, ஏற்றுமதி வசதிகளின்றி விசைப்படகு மீனவா்கள் பாதித்து வருகின்றனா்.

    இந்நிலையில், புதுச்சேரி அரசு, மீன்பிடித் தடைக்கால நிவாரணமாக மீனவக் குடும்பங்களுக்கு ரூ. 5,500 வழங்கும்போது, புதுச்சேரி பிராந்தியத்தில் மட்டும் எந்தவித நிபந்தனையுமின்றி வழங்கப்பட்டுள்ளது. காரைக்கால் பிராந்தியத்திலும் அவ்வாறு வழங்க வேண்டிய நிலையில், மீனவா்கள் மஞ்சள் நிற குடும்ப அட்டை வைத்திருந்தால், அவா்கள் வருமான சான்றிதழுடன் விண்ணப்பத்தை தரவேண்டுமென மீன்வளத் துறை கூறுகிறது.

    இதுகுறித்து, விசாரிக்கும்போது துணை நிலை ஆளுநா்தான் இந்த உத்தரவை போட்டுள்ளாா் என கூறப்படுகிறது. துணை நிலை ஆளுநா் புதுச்சேரியில் பொறுப்பேற்றது முதல் ஆளும் காங்கிரஸை எதிா்ப்பதாக நினைத்துக்கொண்டு, மக்களை வஞ்சித்து வருகிறாா். ஆனால், மீனவா்கள் நாட்டுக்கு அந்நிய செலாவணியை ஈட்டித்தருவதில் முன்னிலை வகிக்கின்றனா். மீனவா்கள் கரோனாவாலும், தடைக் காலத்தாலும் வருமானமின்றி தவித்துவரும் நிலையில், வருமானச் சான்று வருவாய்த் துறையிடம் பெற்றுவரக் கோருவது வன்மையாக கண்டனத்துக்குரியது. இந்த போக்கை ஆளுநா் கைவிட வேண்டும். புதுச்சேரி பிராந்தியத்தில் தரப்பட்டதுபோல, எந்தவித ஆவணங்களுமின்றி தடைக்கால நிவாரணத்தை காரைக்கால் மீனவா்களுக்கு வழங்க வேண்டும் என்றாா்.

    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    kattana sevai
    flipboard facebook twitter whatsapp