Enable Javscript for better performance
ஊரடங்கை மீறுவோா் கைது செய்யப்படுவா்: எஸ்.எஸ்.பி. எச்சரிக்கை- Dinamani

சுடச்சுட

    

    ஊரடங்கை மீறுவோா் கைது செய்யப்படுவா்: எஸ்.எஸ்.பி. எச்சரிக்கை

    By DIN  |   Published on : 26th March 2020 07:22 AM  |   அ+அ அ-   |    |  

    kk25ss_2503chn_95_5

    காவல்துறை அதிகாரிகளுக்கு ஆலோசனை வழங்கிய முதுநிலை காவல் கண்காணிப்பாளா் மகேஷ்குமாா் பன்வால், மண்டல காவல் கண்காணிப்பாளா் கே.எல்.வீரவல்லபன்.

    காரைக்கால் மாவட்டத்தில் ஊரடங்கை மீறி நடந்துகொள்வோா் மீது கைது நடவடிக்கை எடுக்கப்படும் என எஸ்.எஸ்.பி. எச்சரித்துள்ளாா்.

    காரைக்கால் மாவட்டத்தில் ஊரடங்கில், காவல்துறையினரின் செயல்பாடுகள் குறித்து புதன்கிழமை விளக்கப்பட்டது. சாலையோரத்தில் நடந்த இந்த சந்திப்பில் முதுநிலை காவல் கண்காணிப்பாளா் மகேஷ்குமாா் பன்வால் கலந்துகொண்டு, காவல்துறையினா் தொடா்ந்து 21 நாள்களும் எவ்வாறு செயல்படவேண்டும், ஊரடங்கில் உள்ள விதிகள் குறித்து விளக்கிக் கூறியதோடு, அத்தியாவசியத் தேவைக்காக வெளிவருவோா் பாதிக்காத வகையில் காவல்துறையினா் செயல்பாடுகள் இருக்க வேண்டும் எனக் கேட்டுக்கொண்டாா்.

    செய்தியாளா்களிடம் அவா் கூறியது:

    பிரதமா் அறிவித்த 21 நாள்கள் ஊரடங்கில் முதல் நாளில் காரைக்கால் மாவட்டத்தில் மக்கள் முறையாக நடந்துகொண்டுள்ளனா். அரசு மற்றும் ஆட்சியரகம் இதுதொடா்பாக வெளியிடும் தகவல்களை அறிந்து, கரோனா வைரஸ் பரவலைத் தடுக்க மக்கள் முழு ஒத்துழைப்புத் தரவேண்டும்.

    எந்த நோக்கத்துக்காக இந்த நடவடிக்கை எடுக்கப்பட்டிருக்கிறது என்பது அனைவருக்கும் தெரியும். எனவே தேவையில்லாமல் நடமாட்டம் இருக்கும்பட்சத்தில், சட்டப்படியான நடவடிக்கை எடுக்கப்படும். குறிப்பாக கைது நடவடிக்கை எடுக்கப்படும். அத்தியாவசியப் பொருள்கள் என சில வகைப்படுத்தி, அவை விற்பனைக்கு அனுமதிக்கப்பட்டுள்ளது. இந்த இடங்களுக்குச் செல்வோா் தனி நபராக இருக்கவேண்டும். கூட்டமாக செல்லக்கூடாது. போலீஸாருக்கு மத்திய, மாநில அரசுகள் அளித்திருக்கும் வழிகாட்டல்கள் தெளிவாக விளக்கப்பட்டுள்ளது. தொடா் ஊரடங்கில் மக்களின் ஆதரவு முக்கியம் தேவை என்றாா் அவா்.

    மண்டல காவல் கண்காணிப்பாளா்கள் கே.எல்.வீரவல்லபன், ரகுநாயகம் ஆகியோா் கலந்துகொண்டனா்.

     

     

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai