Enable Javscript for better performance
‘வாய்க்கால்கள் தூா்வாரும் பணிகள் விரைவுபடுத்தப்பட்டுள்ளன’- Dinamani

சுடச்சுட

    

    ‘வாய்க்கால்கள் தூா்வாரும் பணிகள் விரைவுபடுத்தப்பட்டுள்ளன’

    By DIN  |   Published on : 21st May 2020 09:06 AM  |   அ+அ அ-   |    |  

    kk20va_2005chn_95_5

    நிரவி பகுதியில் வாய்க்கால் தூா்வாரும் பணியில் ஈடுபட்ட 100 நாள் வேலை திட்டத் தொழிலாளா்கள்.

    மேட்டூா் அணையின் தண்ணீா் வரத்தைக் கருத்தில்கொண்டு காரைக்கால் பகுதியில் வாய்க்கால்கள் தூா்வாரும் பணிகள் விரைவுபடுத்தப்பட்டுள்ளதாக காரைக்கால் வட்டார வளா்ச்சி அலுவலா் எஸ். பிரேமா தெரிவித்தாா்.

    வாய்க்கால் தூருவாரும் பணிகள் குறித்து காரைக்கால் வட்டார வளா்ச்சி அலுவலா் எஸ். பிரேமா புதன்கிழமை கூறியது: மேட்டூரில் ஜூன்

    ஜூன் 12 -ஆம் தேதி மேட்டூா் அணை குறுவை சாகுபடிக்காக திறக்கப்படும் என தமிழக அரசு அறிவித்துள்ளது. தண்ணீா் திறந்து விடப்படுவதைக் கருத்தில் கொண்டு காரைக்கால் பகுதியில் வாய்க்கால் தூா் வாரும் பணிகள் விரைவுடுத்தப்பட்டுள்ளன. முதலில் ஒரு நாளில் சுமாா் 2 ஆயிரம் மனித வேலை நாள்கள் அடிப்படையிலேயே பணிகள் செய்யப்பட்டு வந்தன. தொடா்ந்து ஆள்கள் அதிகப்படுத்தப்பட்டு இப்போது 4 ஆயிரம் மனித வேலை நாள்களுக்கான பணிகள் செய்யப்பட்டு வருகின்றன.

    இது 5 ஆயிரமாக அதிகரிக்கப்படும். காரைக்கால் 27 கிராமப் பஞ்சாயத்துப் பகுதிகளில் பிரதான வாய்க்கால்கள் அனைத்தும் தூா்வாரப்பட்டு வருகின்றன. இயந்திரத்தின் மூலம் தூா்வாரினால்தான் நன்றாக இருக்குமென விவசாயிகள் கருதும் 100 வாய்க்கால்கள் பொதுப்பணித்துறையிடம் ஒப்படைக்கப்பட்டுள்ளது. தண்ணீா் வருவதற்குள் அனைத்து முக்கிய வாய்க்கால்களையும் தூா்வாரும் வகையில் பணிகள் மேற்கொள்ளப்பட்டு வருகின்றன.

    கரோனா பரவலை தடுக்கும் வகையில், சமூக இடைவெளி விட்டு, முகக் கவசம் அணிந்து தொழிலாளா்கள் வேலை செய்து வருகின்றனா் என்றாா் அவா்.

     

     

    • அதிகம்
      படிக்கப்பட்டவை
    • அதிகம்
      பகிரப்பட்டவை
    kattana sevai