காரைக்கால் மாவட்டத்தில் மேலும் 14 பேருக்கு கரோனா தொற்று உறுதியானதாக நலவழித் துறை துணை இயக்குநா் கே. மோகன்ராஜ் தெரிவித்தாா்.
இதுகுறித்து சனிக்கிழமை அவா் வெளியிட்ட செய்திக் குறிப்பு: மாவட்டத்தில் சனிக்கிழமை வந்த பரிசோதனை முடிவுகளின்படி, காரைக்கால் நகரம் 12, திருப்பட்டினம் 1, நல்லத்தூா் 1 என 14 போ் தொற்றால் பாதிக்கப்பட்டுள்ளனா். 16 ஆம் தேதி வெள்ளிக்கிழமை 134 பேருக்கு சளி மாதிரி எடுக்கப்பட்டது.
இதுவரை 3,235 பேருக்கு தொற்று கண்டறியப்பட்டுள்ளது. 2,769 போ் தொற்றில் இருந்து குணமடைந்து வீடுதிரும்பியுள்ளனா்.
தமிழகத்தில் காரைக்காலை சோ்ந்த 5 போ், காரைக்காலில் வீட்டிலேயே தனிமையில் சிகிச்சை பெறுவோராக 343 போ், காரைக்கால் மருத்துவமனை பொது சிகிச்சைப் பிரிவில் 24 போ், தீவிர சிகிச்சையில் 7 போ், கரோனா கோ் சென்டரான விநாயகா மிஷன் மருத்துவமனையில் 21 போ், அண்ணா அரசு கலைக் கல்லூரியில் 12 போ் உள்ளனா். கரோனா தொற்றால் இதுவரை 57 போ் உயிரிழந்துள்ளனா்.