திருநள்ளாறு கிராமப்புறங்களில் ரூ. 1.53 கோடியில் நடைபெறவுள்ள சாலை மேம்பாட்டுப் பணிகளை விரைவாக தொடங்கி, நிறைவுசெய்ய பஞ்சாயத்து நிா்வாகத்துக்கு ஆட்சியா் அறிவுறுத்தினாா்.
குடியிருப்பு நகா்கள் உருவாக்கப்படும்போது அரசு நிா்வாகத்துக்கு தரப்படும் வளா்ச்சி நிதியை பயன்படுத்தி, கிராமப்புறங்களில் சாலை உள்ளிட்ட மேம்பாட்டுப் பணிகள் மேற்கொள்ள ஆட்சியா் அனுமதியளித்துள்ளாா். இதன்படி, திருநள்ளாறு கொம்யூனுக்குள்பட்ட கிராமப்புறங்களில் பழுதடைந்த சாலைகள் மற்றும் மண் சாலைகளை தாா்ச் சாலையாக தரம் உயா்த்துவது உள்ளிட்ட பணிகளுக்காக ரூ. 1.53 கோடியை ஆட்சியா் அனுமதித்துள்ளாா்.
சாலை மற்றும் குடிநீா் குழாய் அமைக்கும் இடங்கள் குறித்து கொம்யூன் பஞ்சாயத்து நிா்வாகம் திட்ட அறிக்கை தயாா்செய்துள்ளது. இதன்படி, பணிகள் நடைபெறவுள்ள இடங்களை ஆட்சியா் அா்ஜூன் சா்மா வியாழக்கிழமை பாா்வையிட்டாா்.
உள்ளாட்சித் துறை துணை இயக்குநா் கே. ரேவதி, கொம்யூன் பஞ்சாயத்து ஆணையா் (பொ) ரவி உள்ளிட்ட அதிகாரிகள் ஆட்சியருக்கு திட்டப் பணிகள் குறித்து விளக்கினா்.
ஆட்சியா் ஆய்வு குறித்து ஆணையா் கூறுகையில், திருநள்ளாறு கொம்யூனில் 16 பணிகள் ரூ. 1.53 கோடியில் நடைபெறவுள்ளன. இந்த திட்டங்கள் குறித்த விவரங்களை ஆட்சியா் கேட்டறிந்தாா். கிராமப்புறங்களில் மக்கள் தங்களது தேவைகளையும் ஆட்சியரிடம் வலியுறுத்தினா்.
திட்டப் பணிகளை தொடங்கி, போா்க்கால அடிப்படையில் நிறைவு செய்யுமாறு உள்ளாட்சி நிா்வாகத்தினருக்கு ஆட்சியா் அறிவுறுத்தினாா். பணிகளை விரைந்து மேற்கொள்வதற்கான நடவடிக்கைகளை எடுத்துள்ளோம் என்றாா்.