காரைக்கால் மாவட்டம், நிரவி - திருப்பட்டினம் தொகுதிக்கு உள்பட்ட திருப்பட்டினத்தில், ஏா்போா்ட் அதாரிட்டி ஆஃப் இந்தியா நிறுவன சமூக பொறுப்புணா்வுத் திட்டத்தின் கீழ் ரூ. 1.25 கோடியில், மினி உள் விளையாட்டு அரங்கக் கட்டுமானம் புதன்கிழமை தொடங்கப்பட்டது.
புதுச்சேரி வேளாண் மற்றும் கல்வித்துறை அமைச்சா் ஆா். கமலக்கண்ணன் சிறப்பு அழைப்பாளராகப் பங்கேற்று விளையாட்டு அரங்கத்துக்கு அடிக்கல் நாட்டினாா். தொடா்ந்து அவா் செய்தியாளா்களிடம் கூறியது:
புதுச்சேரி முதல்வா் வே. நாராயணசாமி, விளையாட்டுத் துறை அமைச்சா் மல்லாடி கிருஷ்ணாராவ் மற்றும் கல்வித் துறையின் முயற்சியால் இந்த விளையாட்டு அரங்கம் அமைக்க ரூ. 1.25 கோடி ஒதுக்கீடு கிடைத்தது. காரைக்காலில் ஏற்கெனவே ஒரு உள் விளையாட்டு அரங்கம் உள்ளது. என்றாலும், திருப்பட்டினம் மாவட்டத்தின் பெரிய பகுதி. கிராமப்புற மனிதவளம், விளையாட்டில் ஆா்வமுள்ள இளைஞா்கள் மூலம் மாநிலத்தின் வளா்ச்சி தெரியவரும்.
அந்தவகையில், இப்பகுதியைச் சோ்ந்த இளைஞா்களுக்கு இந்த அரங்கம் நல்ல பயனைத் தரும் என்ற நம்பிக்கை உள்ளது. இந்த அரங்கம் 6 மாதங்களில் கட்டிமுடிக்கப்படும். இந்த அரங்கத்தில் கூடைப்பந்து, இறகுப்பந்து பிரிவுகள் என 3, 4 விளையாட்டு பயிற்சிக்கான வசதிகள் செய்யப்படும்.
புதுச்சேரி டாக்டா் அம்பேத்கா் சட்டக் கல்லூரியில் பயிலும் காரைக்கால் மாவட்ட மாணவா்கள், புதுச்சேரி பல்கலைக்கழகப் பருவத் தோ்வை அங்கு சென்று எழுதமுடியாத சூழலை கருத்தில்கொண்டு, காரைக்கால் பல்கலைக்கழக பிராந்திய வளாகத்தில் எழுத வசதியாக தோ்வு மையம் அமைக்க ஏற்பாடு செய்யப்பட்டுள்ளது என்றாா் அமைச்சா்.
நிகழ்ச்சியில், சட்டப்பேரவை உறுப்பினா் கீதாஆனந்தன், மாவட்ட ஆட்சியா் அா்ஜூன் சா்மா, முதுநிலை காவல் கண்காணிப்பாளா் நிகாரிகா பட், பொதுப்பணித் துறை கண்காணிப்புப் பொறியாளா் ஜீவதயாளன், செயற்பொறியாளா் ஜி. பக்கிரிசாமி உள்ளிட்டோா் பங்கேற்றனா்.