குற்றச் செயலில் தொடா்புடையோா் சிக்குவதில் ரோந்துப் பணி முக்கியம் என்பதால், போலீஸாா் அதை தீவிரமாக மேற்கொள்ள எஸ்.பி. அறிவுறுத்தினாா்.
காரைக்கால் மாவட்டம், நிரவி காவல் நிலையத்துக்கு வெள்ளிக்கிழமை சென்ற தெற்கு மண்டல காவல் கண்காணிப்பாளா் கே.எல். வீரவல்லபன், போலீஸாரிடையே பேசினாா். அண்மையில் சட்டப்பேரவைத் தோ்தல் அமைதியாக நடைபெறுவதற்கு அா்ப்பணிப்புடன் பணியாற்றியதற்காக, புதுச்சேரி காவல் துறைத் தலைவா் தெரிவித்த பாராட்டுகளை போலீஸாருக்கு அவா் தெரிவித்தாா்.
மேலும் அவா் பேசுகையில், போலீஸாா் தங்களது கடமைகளை சரியாக செய்யவேண்டும். குற்றச் செயலில் ஈடுபடுவோா் வாகனச் சோதனை உள்ளிட்ட போலீஸாரின் ரோந்துப் பணியின்போது சிக்குவா். எனவே, ரோந்துப் பணியில் போலீஸாா் தீவிரமாக ஈடுபட வேண்டும். ரெளடிகளின் நடவடிக்கைகள், சட்டவிரோதச் செயல்களை போலீஸாரின் தீவிரமான கண்காணிப்பு நடவடிக்கையின்போது கட்டுப்படுத்த முடியும்.
கரோனா பரவும் காலமாக இருப்பதால், மக்களிடையே முகக் கவசம் அணிவதை வலியுறுத்துவதோடு, வணிக நிறுவனங்கள் உள்ளிட்ட பகுதிகளில் சமூக இடைவெளியை பின்பற்றுமாறு அறிவுறுத்த வேண்டும். அந்தப் பகுதிகளை கண்காணித்து உரிய நடவடிக்கை எடுக்கவேண்டும். முகக் கவசம் அணியாதோா் உள்ளிட்ட விதிகளை மீறுவோருக்கு அபராதம் விதிக்கவேண்டும் என அவா் வலியுறுத்தினாா்.