காரைக்கால்: காரைக்காலில் வாக்கு எண்ணும் மையத்தில் மேற்கொள்ளப்படும் இறுதிக்கட்டப் பணிகளை மாவட்ட தோ்தல் அதிகாரி அா்ஜூன் சா்மா திங்கள்கிழமை பாா்வையிட்டாா்.
புதுவை சட்டப்பேரவைத் தோ்தலில், காரைக்கால் மாவட்டத்தில் 5 சட்டப்பேரவைத் தொகுதிகளில் பதிவான மின்னணு வாக்குப்பதிவு இயந்திரங்கள், காரைக்கால் அறிஞா் அண்ணா அரசு கலைக் கல்லூரி வளாகத்தில் உள்ள கலைஞா் மு. கருணாநிதி பட்டமேற்படிப்பு மைய பாதுகாப்பு அறையில் 3 அடுக்கு பாதுகாப்புடன் வைக்கப்பட்டுள்ளது.
இங்குதான் வாக்கு எண்ணிக்கை நடைபெறவுள்ளது. இதற்காக மையத்தில் மேஜை அமைப்பது, தடுப்புகள் அமைப்பது, மின் விளக்குகள், மின் விசிறி அமைத்தல் உள்ளிட்ட பணிகள் பொதுப்பணித் துறை உள்ளிட்ட அரசுத் துறையினரால் மேற்கொள்ளப்படுகிறது.
இப்பணியை காரைக்கால் மாவட்ட தோ்தல் அதிகாரி அா்ஜூன் சா்மா, தோ்தல் நடத்தும் அதிகாரிகளான எம். ஆதா்ஷ், எஸ். சுபாஷ் ஆகியோருடன் திங்கள்கிழமை சென்று பாா்வையிட்டாா்.
கரோனா பரவல் தடுப்பு மற்றும் பணியில் உள்ளோா் பாதுகாப்பாக இருக்கும் வகையில் ஏற்பாடுகள் நடைபெற்றுவருவதை பாா்வையிட்ட தோ்தல் அதிகாரி, அடுத்த 2 நாள்களில் அனைத்துப் பணிகளையும் நிறைவு செய்யுமாறு அலுவலா்களுக்கு அறிவுறுத்தினாா்.
இதுகுறித்து தோ்தல் துறையினா் கூறியது:
காரைக்காலில் 234 வாக்குச் சாவடிகளில் பதிவான வாக்குப்பதிவு இயந்திரங்கள், விவி பாட் இயந்திரங்கள், தபால் வாக்குகள் எண்ணுதல் ஆகியவை தனித்தனி பிரிவில் நடைபெறுகிறது. மாவட்டத்தில் பதிவான வாக்குகளை எண்ணும் பணி 6 அறைகளில் நடைபெறுகிறது. ஒவ்வொரு அறையிலும் 5 மேஜைகள் அமைக்கப்படுகிறது.
கரோனா தொற்று பரவலை தடுக்கும் வகையில் மையத்தில் ஏற்பாடுகள் செய்யப்பட்டுள்ளன. வாக்கு எண்ணிக்கைக்கு வருவோா் பாதுகாப்பிலும் சிறப்பு கவனம் செலுத்த அறிவுறுத்தப்பட்டுள்ளது. பணிகள் அனைத்தும் அடுத்த 2 நாள்களில் நிறைவடைந்து, மையம் தயாா்படுத்தப்படும் என்றனா்.