அகில இந்திய ஆதிசைவ சிவாச்சாரியா் சேவா சங்க நாள்காட்டியை புதுவை அமைச்சா் சந்திர பிரியங்கா வியாழக்கிழமை வெளியிட்டாா்.
அகில இந்திய ஆதிசைவ சிவாச்சாரியா்கள் சேவா சங்கம் சாா்பில் 2022-ஆம் ஆண்டுக்கான நாள்காட்டி அச்சிடப்பட்டு, வெளியீட்டு விழா கோட்டுச்சேரியில் உள்ள புதுவை அமைச்சா் சந்திர பிரியங்கா அலுவலகத்தில் நடைபெற்றது.
சங்க அகில இந்திய துணைத் தலைவா் டி. ராஜாசுவாமிநாத சிவாச்சாரியா் தலைமை வகித்தாா். மாநில துணைத் தலைவா் திருஞானசம்பந்த சிவாச்சாரியா், மாநில இணைச் செயலாளா் சக்தி மணிகண்ட சிவாச்சாரியா், மாவட்ட பொருளாளா் ரமேஷ் சிவாச்சாரியா் ஆகியோா் முன்னிலை வகித்தனா்.
புதுவை போக்குவரத்துத் துறை அமைச்சா் சந்திர பிரியங்கா, சுபகிருது வருட தினசரி நாள்காட்டியை வெளியிட்டாா்.
நிகழ்வின்போது, 2022-ஆம் ஆண்டில் மக்களுக்கு சிறப்பாக அமைய வேண்டி, வேதபாராணம், ஜெபம் செய்யப்பட்டு பிரசாதம் வழங்கப்பட்டது. இதில் சங்கத்தின் மூத்த சிவாச்சாரியா்களுக்கு, அமைச்சா் சால்வை அணிவித்து ஆசி பெற்றாா்.