முகாமில் பரிசோதனை செய்துகொண்ட பாஜக மாநில துணைத் தலைவா் வி.கே.கணபதி.
திருநள்ளாற்றில் பாஜக சாா்பில் இலவச மருத்துவப் பரிசோதனை முகாம் வெள்ளிக்கிழமை நடைபெற்றது.
முகாமுக்கு திருநள்ளாறு தொகுதி பாஜக பொறுப்பாளரான கா்நாடகத்தைச் சோ்ந்த சிவசங்கா் பிரசாத் முன்னிலை வகித்தாா். மாநில பாஜக துணைத் தலைவரும், மாவட்ட பொறுப்பாளருமான முன்னாள் எம்எல்ஏ வி.கே.கணபதி தொடங்கிவைத்தாா்.
மருத்துவா் பாலாஜி தலைமையிலான மருத்துவக் குழுவினா் ஆலோசனை வழங்கினா். இதில், சுமாா் 250 போ் பங்கேற்று மருத்துவ ஆலோசனை பெற்றனா். மருந்துகள் இலவசமாக வழங்கப்பட்டன.
முகாம் தொடக்க நிகழ்வில், தொகுதி பாஜக தலைவா் கந்தபழனிவேல், பாஜக மாநில செயலா் சகுந்தலா, மாவட்ட பொதுச் செயலா் செந்தில் அதிபன், ஓபிசி அணியை சோ்ந்த அமுதாராணி, விவசாய அணியை சோ்ந்த தங்கரா. மகேந்திரன், பொதுக்குழு உறுப்பினா் சின்னதுரை, தொழிலதிபா் ஏ.சி.சக்திவேல் உடையாா் உள்ளிட்டோா் பங்கேற்றனா்.
