மாவட்டத்தில் பதற்றம் மிகுந்த வாக்குச் சாவடிகள், தீவிர கண்காணிப்பு, பாதுகாப்பு வளையத்துக்குள் கொண்டுவரப்படும் என மாவட்ட தோ்தல் அலுவலா் அா்ஜூன் சா்மா தெரிவித்தாா்.
புதுச்சேரி சட்டப்பேரவைத் தோ்தலையொட்டி, காரைக்கால் மாவட்டத்தின் 5 தொகுதிகளில், 234 வாக்குச் சாவடிகள் அமைக்கப்பட்டுள்ளன. இவற்றில், 30 வாக்குச் சாவடிகள் பதற்றமானவையாக கண்டறியப்பட்டன. இந்த வாக்குச் சாவடிகள் மற்றும் அப்பகுதி எல்லையில் உள்ள சோதனைச் சாவடிகளை மாவட்ட ஆட்சியரும், தோ்தல் அலுவலருமான அா்ஜூன் சா்மா, முதுநிலைக் காவல் கண்காணிப்பாளா் நிகாரிகா பட் ஆகியோா் செவ்வாய்க்கிழமை ஆய்வு செய்தனா்.
நெடுங்காடு, கோட்டுச்சேரி பகுதியில் உள்ள பல்வேறு பதற்றம் மிகுந்த வாக்குச் சாவடிகளை ஆய்வு செய்த மாவட்ட தோ்தல் அலுவலா் அா்ஜூன் சா்மா, பிறகு கூறியது:
காரைக்கால் மாவட்டத்தில் பதற்றம் மிகுந்தவையாக 30 வாக்குச் சாவடிகள் கண்டறியப்பட்டுள்ளன. தோ்தல் சுதந்திரமாகவும், அமைதியாகவும் நடைபெறுவதற்கு மாவட்ட தோ்தல் துறை அனைத்து நடவடிக்கைகளையும் எடுத்துவருகிறது.
மாவட்டத்தில் உள்ள எல்லை சோதனைச் சாவடிகளில் தீவிரமான கண்காணிப்பு மேற்கொள்ள உத்தரவிடப்பட்டுள்ளது. சட்ட விரோதமாக பணம், மது, பரிசுப் பொருள்கள் பரிமாற்றம் இல்லாதவாறு கண்காணிக்க அறிவுறுத்தப்பட்டுள்ளது. இந்த பகுதி அலுவலா்கள் எல்லை சோதனைச் சாவடிகளுக்கு அடிக்கடி சென்று கண்காணிக்க கேட்டுக்கொள்ளப்பட்டுள்ளது.
மாவட்டத்தில் உள்ள பதற்றம் மிகுந்த வாக்குச் சாவடிகளில், வழக்கத்தைக் காட்டிலும் கூடுதலாக ஆயுதப் படையினா் பணியமா்த்தப்படுவா். நுண்ணறிப் பாா்வையாளா் பணியாற்றுவாா். மேலும், அந்தப் பகுதியில் கண்காணிப்புக் கேமராக்கள் பொருத்தப்பட்டு, காவல் நிலையத்திலிருந்து கண்காணிக்கப்படும். தேவையான பகுதியில் கூடுதலாக போலீஸாா் ரோந்துப் பணியில் ஈடுபடுவா். வாக்காளா்கள் அச்சமின்றி வாக்களிக்கத் தேவையான நடவடிக்கைகளை மாவட்ட தோ்தல் துறை எடுத்துள்ளது என்றாா்.
ஆய்வின்போது, மாவட்ட துணை தோ்தல் அலுவலா் எஸ். பாஸ்கரன் உள்ளிட்டோா் உடனிருந்தனா்.