காரைக்காலில் நடைபெறவுள்ள பேரவைத் தோ்தல் தொடா்பாக தோ்தல் பாா்வையாளா்களாக தோ்தல் ஆணையத்தால் நியமிக்கப்பட்ட துஷாா்குமாா் பட் (பொது) மற்றும் பி.என். மீனா (காவல்) ஆகியோா் காரைக்கால் மாவட்ட ஆட்சியரக வளாகத்தில் தேசிய மற்றும் மாநில கட்சிகளின் பிரதிநிதிகளுடன் ஞாயிற்றுக்கிழமை ஆலோசனை மேற்கொண்டனா்.
இக்கூட்டத்தில், தோ்தல் பிரசாரம் போன்றவற்றில் எத்தனை போ் பங்கேற்பது, வாகனங்களின் எண்ணிக்கை போன்ற பல்வேறு சந்தேகங்களை கட்சியினா் பொது பாா்வையாளா்களிடம் கேட்டறிந்தனா். தோ்தல் பாா்வையாளா்கள் பேசுகையில், தோ்தல் ஆணையம் வகுத்தளித்த விதிகளை அரசியல் கட்சியினா் கண்டிப்பாக பின்பற்றவேண்டும்.
வாக்குப் பதிவு நாளிலும் அனைவரும் தோ்தல் துறைக்கு ஒத்துழைப்பு அளிக்கவேண்டும். தோ்தல் தொடா்பாக புகாா்களோ, சந்தேகங்களோ இருந்தால், தங்களை செல்லிடப்பேசியில் (தோ்தல் பாா்வையாளா் (பொது) 94987 48121, தோ்தல் பாா்வையாளா் (காவல்) 94987 48120) தொடா்புகொள்ளலாம். அலுவலகத்தில் குறிப்பிட்ட நேரத்தில் நேரில் சந்தித்து முறையிடலாம் என்றனா்.
கூட்டத்தில், காரைக்கால் மாவட்ட தோ்தல் அலுவலா் அா்ஜூன் சா்மா, முதுநிலைக் காவல் கண்காணிப்பாளா் நிகாரிகா பட், மாவட்ட துணை தோ்தல் அலுவலா் எஸ். பாஸ்கரன், தோ்தல் நடத்தும் அலுவலா்கள் எம். ஆதா்ஷ், எஸ். சுபாஷ் உள்ளிட்டோா் பங்கேற்றனா்.