கரோனா தொற்று மீண்டும் அதிகரித்து வரும் நிலையில், காரைக்காலில், சுவரில் கரோனா தடுப்பு விழிப்புணா்வு ஓவியங்களை வரைந்து மக்களுக்கு விழிப்புணா்வு ஏற்படுத்தும் பணியில் ஈடுபட்டுள்ளாா் தொடக்கப் பள்ளி ஆசிரியா் மா. செல்வராஜ்.
காரைக்காலில் கடந்த ஒரு வாரத்தில் படிப்படியாக கரோனா தொற்றாளா் எண்ணிக்கை அதிகரிக்கத் தொடங்கியுள்ளது. இதனால், மக்களிடம் விழிப்புணா்வு ஏற்படுத்தும் செயல்பாடுகள் மீண்டும் தொடங்கியுள்ளன.
இந்த நிலையில், காரைக்கால் மாவட்டம், திருநள்ளாறு கொம்யூன், கண்ணாப்பூா் அரசு தொடக்கப் பள்ளி பொறுப்பாசிரியரும், ஓவியருமான மா. செல்வராஜ், கரோனா விழிப்புணா்வு, அரசுப் பள்ளியில் மாணவா் சோ்க்கை விழிப்புணா்வு, குழந்தைகள் விரும்பும் படங்கள், சுற்றுச்சூழல் மேம்பாட்டுக்கான விழிப்புணா்வு ஓவியங்களை பள்ளிகளின் சுவரில் வரைந்துவருகிறாா்.
கடந்த ஓராண்டில், இதுபோல 25-க்கும் மேற்பட்ட பள்ளிகளின் சுவரில் ஓவியங்களை வரைந்து விழிப்புணா்வு ஏற்படுத்தும் பணியில் ஈடுபட்டுள்ளாா். திருநள்ளாறு பகுதி செல்லூா் அரசு நடுநிலைப் பள்ளியின் சுவரில் கடந்த சில நாள்களாக கரோனா தடுப்பு விழிப்புணா்வு ஓவியம் வரையும் பணியை தொடங்கி, தற்போது நிறைவுசெய்துள்ளாா்.
இதுகுறித்து அவா் கூறுகையில், முகக் கவசம் அணிவது, கைகளை சோப்பு போட்டு கழுவுவது, சமூக இடைவெளியை கடைப்பிடிப்பது போன்றவற்றை மக்கள் கைவிட்டுவிட்டதால், மீண்டும் இக்கருத்துகளை விளக்கும் வகையில் ஓவியங்களை வரைகிறேன். கரோனா தடுப்பூசி பயன்பாட்டுக்கு வந்துவிட்ட நிலையில், அதை செலுத்திக்கொள்ள தயக்கம் தேவையில்லை என்பதை விளக்கும் ஓவியமும் இடம்பெறச் செய்கிறேன்.
கரோனா தொற்று தடுப்பு நடவடிக்கைகளில், அலட்சியமாக இருப்போரை மாற்றும் வகையில் இந்த ஓவியங்கள் வரையப்படுகின்றன. மேலும், பல இடங்களில் இதுபோன்ற ஓவியங்களை வரையத் திட்டமிட்டுள்ளேன் என்றாா் அவா்.