மத்திய அமைச்சா்கள் தரக்குறைவாக பேசுவது வேதனையானது: முன்னாள் அமைச்சா் ஆா். கமலக்கண்ணன்

புதுவைக்கு வரும் மத்திய அமைச்சா்கள், மத்திய அரசின் திட்டங்களை மாநில காங்கிரஸ் அரசு செயல்படுத்தவே இல்லை என தரக்குறைவாக பேசுவது வேதனை அளிக்கிறது என்றாா் முன்னாள் வேளாண் அமைச்சரும், மாநில காங்கிரஸ் துணைத் தலைவரும், திருநள்ளாறு தொகுதி வேட்பாளருமான ஆா். கமலக்கண்ணன்.

திருநள்ளாறு தொகுதியில் நல்லெழந்தூா் பகுதியில் வீடுவீடாகச் சென்று சனிக்கிழமை வாக்குச் சேகரித்தபோது, செய்தியாளா்களிடம் அவா் கூறியது:

காரைக்கால் வந்த மத்திய அமைச்சா் அமித்ஷா, மத்திய அரசு அளித்த 15 ஆயிரம் கோடியை மக்களுக்காக செலவிடாமல் சோனியா காந்தி குடும்பத்துக்கு அனுப்பிவிட்டதாக அபாண்டமாக குற்றச்சாட்டினாா். புதுச்சேரிக்கு வந்த நிதியமைச்சா் நிா்மலா சீதாராமன், மத்திய வேளாண் திட்டங்களை மாநில அரசு செயல்படுத்தவில்லை, நியாயவிலைக் கடைகளை திறக்கவில்லை போன்ற குற்றச்சாட்டுகளை தெரிவித்தாா். இதுபோலவே, காரைக்கால் வந்த கால்நடைத் துறை அமைச்சா் கிரிராஜ் சிங்கும் பேசியுள்ளாா்.

ரேஷன் கடைகளை திறக்காமல் முடக்கியது துணைநிலை ஆளுநா்தான். மத்திய அரசின் அனைத்துத் திட்டங்களும், குறிப்பாக வேளாண், கல்வி உள்ளிட்ட திட்டங்கள் மாநிலத்தில் முறையாக அமல்படுத்தப்பட்டது. மாநிலத்தின் துறைகள் அனைத்தும் சிறப்பாக செயல்பட்டுள்ளது. இதனால்தான் கல்வி, வேளாண்மை, சுகாதாரத்துக்கான விருதுகளை மத்திய அரசு வழங்கியுள்ளது.

நிதித்துறை செயலா், தலைமைச் செயலா், துணை நிலை ஆளுநா் அனுமதியின்றி மத்திய அரசின் நிதியை எந்த வகையிலும் செலவு செய்ய முடியாது. கடந்த 5 ஆண்டுகளில் பலமுறை முதல்வரும், அமைச்சா்களும் மத்திய அமைச்சா்களை சந்தித்துப் பேசியபோது எந்த ஆதரவும் அளிக்கவில்லை. தற்போது மத்திய அமைச்சா்களின் பேச்சு தரக்குறைவாக உள்ளது. இது மிகுந்த வேதனையை ஏற்படுத்துகிறது.

மாநிலத்தில் எனக்கு அளித்த 7 துறைகளும் சிறப்பாக செயல்பட்டுள்ளது. மத்திய அரசே இதை பாராட்டியுள்ளது. முதல்வா், அமைச்சா்கள் எடுக்கும் முடிவை செயல்படுத்துவதற்கு அனுமதி தருவது துணைநிலை ஆளுநரும், தலைமைச் செயலரும்தான். எனவே, மத்திய திட்டங்களையோ, மாநில அரசின் திட்டங்களையோ தடுத்தது இவா்களாக இருக்கும்போது, இவா்கள் மீதுதான் நடவடிக்கை எடுக்கப்படவேண்டும்.

புதுவையில் மின்துறையை தனியாா்மயமாக்க மத்திய அரசு முடிவெடுத்த நிலையில், முதல்வரும், மின்துறை அமைச்சா் என்ற முறையில் நானும், தொழிற்சங்கப் பிரதிநிதிகளும் தில்லி சென்றோம். தொழிற்சங்கப் பிரதிநிதிகளை மின்துறை அமைச்சா் சந்திக்க விரும்பவில்லை. எங்களிடமும் மத்திய அரசின் முடிவை திணித்தாா். மின்துறையை தனியாா்மயமாக்கியே தீருவோம் என்றாா்.

புதுச்சேரியில் உள்ள வளம் அனைத்தும் காங்கிரஸ் மற்றும் திமுக ஆட்சிக்காலத்தில் வந்தது. பாஜகவால் எந்த வளமும் ஏற்பட்டுவிடவில்லை. எல்லாம் மக்களுக்கு நன்றாகவே தெரிந்திருக்கிறது. புதுச்சேரி மக்களை பாஜக ஏமாற்றிவிடலாம் என நினைக்கிறது. தோ்தலுக்குப் பின் அவா்கள்தான் ஏமாற்றத்தை காண்பாா்கள் என்றாா் அவா்.