மத்திய அரசைக் கண்டித்து காரைக்காலில் மாா்க்சிஸ்ட் மற்றும் இந்திய கம்யூனிஸ்ட் கட்சி சாா்பில் புதன்கிழமை ஆா்ப்பாட்டம் நடைபெற்றது.
தில்லியில் நடைபெறும் விவசாயிகள் போராட்டம் 6 மாதங்களை எட்டியுள்ள நிலையில் அவா்களுக்கு ஆதரவு தெரிவித்தும் புதிய வேளாண் சட்டங்களை திரும்பபெற வலியுறுத்தியும், மத்திய அரசின் செயல்பாடுகளைக் கண்டித்தும் காரைக்கால் மாவட்டத்தில் 20 இடங்களில் மாா்க்சிஸ்ட் கம்யூனிஸ்ட் கட்சியினா் தங்கள் வீட்டு வாசலில் நின்று ஆா்ப்பாட்டத்தில் ஈடுபட்டனா்.
மேலும், புதுவை மாநிலத்தில் கரோனா நிவாரண நிதியாக வருமான வரி செலுத்தாத ஏழைகளுக்கு, ரேஷன் அட்டைக்கு தலா ரூ. 7,500 வழங்க வேண்டும். 10 கிலோ உணவு தானியங்கள் வழங்க வேண்டும். ஒவ்வொரு கொம்யூன் பஞ்சாயத்துக்குட்பட்ட பகுதியிலும் கரோனா சிகிச்சை மையம் அமைக்கப்பட வேண்டும். காரைக்கால் தனியாா் மருத்துவக் கல்லூரி மருத்துவமனையில் கரோனா சிகிச்சை மையம் ஏற்படுத்தப்பட வேண்டும் என்பன உள்ளிட்ட கோரிக்கைகளும் ஆா்ப்பாட்டத்தில் வலியுறுத்தப்பட்டன.
கட்சியின் புதுவை மாநில செயற்குழு உறுப்பினா் அ. வின்சென்ட், மாவட்ட செயலாளா் எஸ்.எம். தமீம், மாவட்டக் குழு உறுப்பினா்கள் கலியபெருமாள், ஜி. துரைசாமி, அ. திவ்யநாதன், பகுதி செயலாளா்கள் முகமது யூசூப், ஜெயராமன் உள்ளிட்ட நிா்வாகிகள் ஆா்ப்பாட்டத்தில் ஈடுபட்டனா்.
இதேபோல மத்திய அரசின் செயல்பாடுகளை கண்டித்து இந்திய கம்யூனிஸ்ட் கட்சியின் விவசாயிகள் சங்கத்தின் சாா்பில் காரைக்காலில் உள்ள கட்சி அலுவலக வாயிலில் ஆா்ப்பாட்டம் நடைபெற்றது. விவசாயிகள் சங்க மாவட்டத் தலைவா் ஜி. கலியமூா்த்தி தலைமை வகித்தாா். கட்சியின் மாவட்ட செயலாளா் ப.மதியழகன், துணை செயலாளா் பாலசுப்ரமணியன், விவசாய தொழிலாளா் சங்க மாவட்ட செயலாளா் ஜி.கே. குமாா் உள்ளிட்ட நிா்வாகிகள் கலந்து கொண்டனா்.