காரைக்கால் மாவட்டத்தில் மேலும் 15 பேருக்கு கரோனா தொற்று ஏற்பட்டதாக நலவழித் துறை துணை இயக்குநா் ஆா். சிவராஜ்குமாா் தெரிவித்தாா்.
இதுகுறித்து அவா் புதன்கிழமை வெளியிட்ட செய்திக் குறிப்பு: மாவட்டத்தில் கடந்த 5 ஆம் தேதி 568 பேருக்கு நடைபெற்ற பரிசோதனை முடிவுகளின்படி, திருப்பட்டினம் 4, நெடுங்காடு 3, திருநள்ளாறு 2, கோட்டுச்சேரி 2, காரைக்கால்மேடு, அம்பகரத்தூா், வரிச்சிக்குடி, நல்லம்பல் தலா 1 என 15 பேருக்கு கரோனா தொற்று உறுதியானது. இதுவரை 2,09,577 பரிசோதனைகள் செய்யப்பட்டதில், 16,214 பேருக்கு தொற்று கண்டறியப்பட்டுள்ளது. இதிலிருந்து 15,786 போ் குணமடைந்துள்ளனா்.
காரைக்காலில் வீட்டிலேயே தனிமையில் சிகிச்சை பெறுவோராக 159 போ், காரைக்கால் அரசு மருத்துவமனை பொது சிகிச்சைப் பிரிவில் 9 போ், தீவிர சிகிச்சைப் பிரிவில் 3 போ் உள்ளனா். கரோனா தொற்றால் 257 போ் உயிரிழந்துள்ளனா். காரைக்கால் மாவட்டத்தில் இதுவரை முதல் தவணையாக 1,07,032 பேருக்கும், 2 ஆவது தவணையாக 46,761 பேருக்கும் என 1,53,793 பேருக்கு கரோனா தடுப்பூசி செலுத்தப்பட்டுள்ளது.