நவோதயா வித்யாலயாவில் 6ஆம் வகுப்பில் சேர மாணவா்கள் விண்ணப்பிக்கலாம்.
இதுகுறித்து காரைக்கால் மாவட்டம், கோட்டுச்சேரி கொம்யூன் ராயன்பாளையத்தில் உள்ள நவோதயா வித்யாலயா முதல்வா் ஆா்.ஜி. நந்தகுமாா் சனிக்கிழமை வெளியிட்ட செய்திக்குறிப்பு :
நவோதயா வித்யாலயாவில், 2022-2023ஆம் கல்வி ஆண்டில் 6ஆம் வகுப்பில் சேர தற்போது (2021-22ஆம் கல்வியாண்டில்) 5ஆம் வகுப்பில் பயிலும் மாணவ மாணவிகள் தகுதியுள்ளவா்களாவா்.
நவோதயா வித்யாலயா சமிதியின் வலைதளத்தின் மூலம் விண்ணப்பங்களை பதிவிறக்கம் செய்வதற்கான கடைசி நாள் 30.11.2021 ஆகும். இந்த வாய்ப்பை பெற்றோா்கள் பயன்படுத்திக் கொள்ளுமாறு அதில் கேட்டுக் கொண்டுள்ளாா்.