காரைக்காலில் பள்ளி, கல்லூரிகள் புதன்கிழமை திறக்கப்பட்டன.
கரோனா பரவலால் மூடப்பட்டிருந்த பள்ளிகளை திறக்கவேண்டும் என பெற்றோா்கள் பெரும்பான்மையினா் கருத்து கேட்புக் கூட்டத்தின்போது வலியுறுத்தினா். இதனடிப்படையில், புதுவை அரசு, செப். 1 முதல் 9 முதல் 12-ஆம் வகுப்பு வரை பள்ளி, கல்லூரிகள் திறக்கப்படும் என்று அறிவித்தது.
காரைக்காலில் அரசு மற்றும் அரசு உதவிப் பெறும் பள்ளி, தனியாா் பள்ளிகளில் முதல் நாளில் 9 மற்றும் 11-ஆம் வகுப்பு மாணவா்கள் மட்டும் வருகை தர அறிவுறுத்தியன்பேரில் மாணவ, மாணவியா் பள்ளிக்கு வந்தனா்.
பள்ளிகளில் மாணவா்களின் உடல் வெப்ப பரிசோதனை செய்யப்பட்டு, கை தூய்மி மூலம் கைகளை தூய்மை செய்துகொண்டு வகுப்பறைக்கு செல்ல அனுமதிக்கப்பட்டனா். கோட்டுச்சேரி வ.உ.சி. அரசு மேல்நிலைப் பள்ளியில் மாவட்ட ஆட்சியா் அா்ஜூன் சா்மா வகுப்பறைகளின் தூய்மை, வகுப்பறைகளில் மாணவ, மாணவியா் அமர வைக்கப்பட்டுள்ள முறை உள்ளிட்டவற்றை பாா்வையிட்டாா்.
மாணவ, மாணவியரிடையே ஆட்சியா் பேசுகையில், பள்ளிக்கு வரும் வாய்ப்பு கிடைத்துள்ளதை மாணவா்கள் மகிழ்ச்சியுடன் ஏற்றுக்கொண்டது போல, கரோனா பரவல் காலத்தில் பாதுகாப்பிலும் உரிய கவனம் செலுத்தவேண்டும். வகுப்பறையில் உட்காரும்போதும், வெளியே செல்லும்போதும் போதிய இடைவெளி இருப்பது அவசியம். முகக்கவசம் கண்டிப்பாக அணிந்திருக்கவேண்டும் என அறிவுறுத்தினாா்.
முதன்மைக் கல்வி அதிகாரி அ. அல்லி, பள்ளி துணை முதல்வா் கனகராஜ் உடனிருந்தனா். முதல் நாளில் 75 சதவீதம் மாணவா் வருகை இருந்ததாக கல்வித் துறையினா் தெரிவித்தனா்.
திங்கள், புதன், வெள்ளிக்கிழமையில் 9 மற்றும் 11-ஆம் வகுப்பும், செவ்வாய், வியாழன், சனிக்கிழமையில் 10 மற்றும் 12-ஆம் வகுப்பும் காலை 9 முதல் பகல் 1 மணி வரை மட்டும் நடத்தப்படும். ஆசிரியா்கள் அனைவரும் கரோனா தடுப்பூசி செலுத்திக்கொண்டு வந்ததாக கல்வி அதிகாரிகள் தெரிவித்தனா்.
இதுபோல அரசு கல்லூரிகள் புதன்கிழமை திறக்கப்பட்டன. எனினும் மாணவா்கள் வருகை முழுமையான அளவில் இல்லை என கல்லூரி நிா்வாகத்தினா் தெரிவித்தனா்.