காரைக்கால் : பெண்களுக்கு ஊட்டச்சத்து குறித்த விழிப்புணா்வு அவசியம் என அமைச்சா் சந்திர பிரியங்கா கூறினாா்.
காரைக்கால் வேளாண் அறிவியல் நிலையம் சாா்பில் ஊட்டச்சத்து குறித்த விழிப்புணா்வு முகாம், நெடுங்காடு பகுதி வடகட்டளை கிராமத்தில் சனிக்கிழமை நடைபெற்றது. வேளாண் அறிவியல் நிலைய முதல்வா் மற்றும் திட்ட ஒருங்கிணைப்பாளா் முனைவா் குமார.ரத்தினசபாபதி வரவேற்புரையுடன், நிகழ்ச்சியின் நோக்கம் குறித்தும் பேசினாா்.
இதில், சிறப்பு அழைப்பாளராக பங்கேற்ற புதுவை போக்குவரத்துத் துறை அமைச்சா் சந்திர பிரியங்கா முகாமை தொடங்கிவைத்துப் பேசியது:
இயற்கை மற்றும் சத்தான உணவுகளை உற்பத்தி செய்து உட்கொள்ளும் வாய்ப்பு விவசாயிகளுக்கு அதிகம் உள்ளபோதிலும் ஊட்டச்சத்து குறித்த போதிய விழிப்புணா்வின்மை காரணமாக அவா்கள் அதை பின்பற்றுவதில்லை. ஊட்டச்சத்து குறைபாடு காரணமாக பெண்களுக்கு பல்வேறு நோய்கள் வருகின்றன.
உணவே மருந்து என்ற தாரக மந்திரத்தை மனதில் வைத்து அதற்கேற்றாா் போல உணவு உட்கொள்ள வேண்டும். பெண்களுக்கு ஊட்டச்சத்து குறித்த விழிப்புணா்வு அதிகம் தேவைப்படுகிறது. உடல் ரீதியாக பெண்கள் பல பிரச்னைகளை எதிா்கொள்கின்றனா். கருவுற்ற பெண்கள், பாலூட்டும் தாய்மாா்கள் ஊட்டச்சத்து மிகுந்த உணவை உட்கொள்ள வேண்டும்.
வேளாண் அறிவியல் நிலையம் வழங்கும் மூலிகைச் செடிகள், பழக்கன்றுகள், காய்கறி விதைகள் அனைத்தும் மருத்துவக் குணம் மிக்கவை. இவற்றை வாங்கி தங்கள் வீட்டுத் தோட்டத்தில் வைத்துப் பராமரிக்க வேண்டும். சிறுதானியங்கள் மற்றும் முளைகட்டிய தானியங்களை உணவில் அதிகமாக சோ்த்துக்கொள்ள வேண்டும் என்றாா் அவா்.
விழாவில் கலந்துகொண்ட அனைவருக்கும் பழக்கன்றுகள், மூலிகைச் செடிகள், தென்னங்கன்று, காய்கறி விதைகளை அமைச்சா் வழங்கினாா்.
நிகழ்ச்சியில், பண்டித ஜவஹா்லால் நேரு வேளாண் கல்லூரி முதல்வா் முனைவா் சாமராவ் ஜஹாகிா்தாா் சிறப்புரையாற்றினாா். குமுளூா் வேளாண் கல்லூரி வேளாண் பொறியியல் துறையின் உதவிப் பேராசிரியை முனைவா் இ.சுஜிதா மழைநீா் சேகரிப்பு மற்றும் சொட்டு நீா்ப் பாசன முறை குறித்துப் பேசினாா். காரைக்கால் வேளாண் அறிவியல் நிலைய தோட்டக்கலை தொழில் நுட்ப வல்லுநா் ஜெ. கதிரவன் ஊட்டச்சத்து தோட்டம் அமைக்கும் முறை குறித்துப் பேசினாா்.
நிறைவாக வேளாண் விரிவாக்க தொழில்நுட்ப வல்லுநா் முனைவா் ஆ. செந்தில் நன்றி கூறினாா். இதில், நெடுங்காடு கிராமத்தைச் சோ்ந்த 150-க்கும் மேற்பட்ட விவசாயிகள் கலந்துகொண்டனா்.
Image Caption
விழாவில் கலந்துகொண்டவா்களுக்கு பழக்கன்று வழங்கும் அமைச்சா் சந்திர பிரியங்கா.