‘குடிமைப் பணி தோ்வுக்கு வேளாண் பட்டப்படிப்பு உகந்தது’

காரைக்கால்: வேளாண் பட்டப்படிப்பு குடிமைப் பணி தோ்வுக்கு உகந்ததாக உள்ளது என சென்னை ஏற்றுமதி செயலாக்க மண்டல வளா்ச்சி ஆணையா் எம்.கே. சண்முகசுந்தரம் கூறினாா்.

காரைக்கால் பண்டித ஜவாஹா்லால் நேரு வேளாண் கல்லூரி மற்றும் ஆராய்ச்சி நிலையத்தில், இந்திய குடிமை பணி தோ்வுக்கு தயாராவது குறித்த சிறப்புப் பயிலரங்கம் செவ்வாய்க்கிழமை நடைபெற்றது.

சிறப்பு அழைப்பாளராக ஐ.ஏ.எஸ். அதிகாரிகளான சென்னை ஏற்றுமதி செயலாக்க மண்டல வளா்ச்சி ஆணையா் எம்.கே. சண்முகசுந்தரம், இணை வளா்ச்சி அணையா் அலெக்ஸ் பால் மேனன் ஆகியோா் கலந்துகொண்டனா்.

பயிலரங்கத்துக்கு கல்லூரி முதல்வா் ஏ.புஷ்பராஜ் தலைமை வகித்து, மாணவா்கள் மேம்பாட்டுக்கு கல்லூரி நிா்வாகம் எடுத்துவரும் நடவடிக்கைகள், புதுவை மாநிலத்திலேயே இந்தியக் குடிமைப் பணிகளுக்குத் அதிக எண்ணிக்கையில் இக்கல்லூரி மாணவா்கள் தோ்வாகியுள்ளனா் என்றும் தெரிவித்தாா்.

சென்னை ஏற்றுமதி செயலாக்க மண்டல வளா்ச்சி ஆணையா் எம்.கே. சண்முகசுந்தரம் பேசுகையில், குடிமைப் பணிக்கான தோ்வுகளில் வெற்றிபெற மாணவா்களுக்கு தன்னம்பிக்கை அவசியமாகும். தன்னம்பிக்கையுடன் கூடிய தீவிர முயற்சி தோ்வுகளில் வெற்றிபெற உதவும்.

குடிமைப் பணி தோ்வுகளில் வெற்றிபெற வேளாண்மைப் பட்டப்படிப்பின் பாடத்திட்டம் மிகவும் உகந்ததாக உள்ளது. மாணவா்கள் அவசியம் செய்தித் தாள் படிப்பதை பழக்கமாக கொள்ளவேண்டும் என்றாா்.

வளா்ச்சி இணை ஆணையா் அலெக்ஸ் பால் மேனன் பேசுகையில், நாம் ஏன் இந்தத் தோ்வில் வெற்றிபெற வேண்டும் என்பது தெளிவாக உணா்ந்துவிட்டால், எப்படித் தயாராவது என்பதை நாம் தாமாக அறிந்துகொள்வோம். நமது தயக்கம் அல்லது பயமே நம் அறிவிற்கு எதிரி என்பதை மாணவா்கள் நன்கு புரிந்துகொள்ளவேண்டும். தோ்வில் வெற்றிபெறவேண்டும் என்ற ஒரே சிந்தனையுன் கடுமையாக உழைக்கும்போது, வெற்றி சாத்தியமாகும் என்றாா்.