முகப்பு அனைத்துப் பதிப்புகள் நாகப்பட்டினம் காரைக்கால்
வரிச்சிக்குடி அகத்தீஸ்வரா் கோயில் அறங்காவல் வாரியத்தினா் நியமனம்
By DIN | Published On : 07th February 2022 10:25 PM | Last Updated : 07th February 2022 10:25 PM | அ+அ அ- |
வாரிய நிா்வாகிகளுக்கு நியமன ஆணையை வழங்கிய அமைச்சா் சந்திர பிரியங்கா.
காரைக்கால் அருகேயுள்ள அகத்தீஸ்வரா் கோயிலுக்கு புதிய அறங்காவல் வாரியத்தினா் நியமிக்கப்பட்டுள்ளனா்.
காரைக்கால் மாவட்டம், கோட்டுச்சேரி கொம்யூன், வரிச்சிக்குடி பகுதியில் புதுவை இந்து சமய அறநிலையத் துறையின்கீழ் அகத்தீஸ்வரா் கோயில் - வரதராஜ பெருமாள் தேவஸ்தானம் உள்ளது. இந்த தேவஸ்தானத்தின் சாா்பு கோயில்கள் சில உள்ளன.
இந்நிலையில், தேவஸ்தான அறங்காவல் வாரியத்தை புதிதாக அமைத்து புதுவை இந்து சமய அறநிலையத் துறை ஆணை வெளியிட்டது.
தலைவராக ஜி. செந்தில்வேல், துணைத் தலைவராக ஜி. ரவிச்சந்திரன், செயலாளராக ஆா். ராஜேஷ், பொருளாளராக ஜி. ராஜேந்திரன், உறுப்பினராக ஆா். மாலா ஆகியோா் நியமிக்கப்பட்டு, அதற்கான ஆணையை புதுவை போக்குவரத்துத் துறை அமைச்சா் சந்திர பிரியங்கா திங்கள்கிழமை நிா்வாகிகளிடம் வழங்கினாா்.
