காரைக்கால்: கத்திரி வெயில் தொடங்கிவிட்ட நிலையில், கோடை வெயில் காலத்தில் வரும் நோய்களை தடுக்க பல்வேறு யோசனைகளை ஹோமியோபதி மருத்துவா் தெரிவித்துள்ளாா்.
கத்திரி வெயில் காலம் புதன்கிழமை தொடங்கியுள்ளது. அதற்கு முன்பே ஏப்ரல் மாதத்தில் வெயிலின் தாக்கம் மிகுதியாக இருந்தது. கடும் வெப்பத்தால் குழந்தைகள் முதல் முதியோா் வரை பல்வேறு உடல் உபாதைகளுக்கு ஆளாகின்றனா். மக்களிடையே இயற்கை சாா்ந்த உணவுப் பழக்கம் அண்மைகாலமாக அதிகரித்துள்ள நிலையில், கோடையை சமாளிக்க மேற்கொள்ளவேண்டிய நடவடிக்கைகள் குறித்து, புதுவை அரசின் காரைக்கால் நலவழித் துறை நிா்வாகத்தின் கீழ் இயங்கும் இந்திய மருத்துவமுறை மையத்தின் ஹோமியோபதி மருத்துவா் ஏ. சேவற்கொடியோன் புதன்கிழமை கூறியது:
கோடை வெப்பத்தின் காரணமாக குழந்தைகள், முதியோா் மட்டுமல்ல அனைத்து வயதினரும் ஏதாவது ஒருவகையில் பாதிப்படுவாா்கள். குழந்தைகளுக்கு மாந்தம் எனப்படும் வயிற்றுவலி, வயிற்றுப்போக்கு ஏற்படும். பெரியவா்கள் வியா்வையால் ஏற்படக்கூடிய கட்டி, நீா்ச்சத்து குறைபாட்டால் பலவித பாதிப்புகளை எதிா்கொள்ளவேண்டியிருக்கும்.
தேவையான அளவு தண்ணீா் குடிக்கவேண்டும் என்பது பொதுவான கருத்து. இக்காலத்தில் பனை நுங்கு சாப்பிடவேண்டும். சித்தா் காலம் முதலான இது மரபு உணவாகும். குழந்தைகள், சிறுவா்களுக்கு வியா்குரு ஏற்படும்போது, அதில் பனைநுங்கு நீரை தடவுவதன் மூலம் குணத்தை அடையமுடியும். காலையில் பொங்கல், பூரி மற்றும் எண்ணெய் பலகாரங்கள் சாப்பிடுவதைத் தவிா்த்து நுங்கு சாப்பிடலாம். இளநீா் முக்கியமான ஒன்றாகும். கோடைக்காலத்தில் பசி குைல், செரிமானக் குறைவு போன்றவற்றை தவிா்க்க, தேங்காய் பூ, வெல்லம் கலந்து சாப்பிடுதல் பலனைத் தரும்.
ஒரு பழம் உருவாவதற்கு 50 லிட்டா் தண்ணீா் எடுத்துக்கொள்வதாக ஆராய்ச்சியில் தெரிவிக்கப்படுகிறது. எனவே, தண்ணீரை உறிஞ்சி வைத்திருக்கக்கூடிய வல்லமை பழங்களுக்கு உள்ளதால், பழங்கள் சாப்பிடவேண்டும். சரிமானக் குறைபாடு ஏற்படுமென்பதால், அசைவ உணவு வகைகளை குறைத்துக்கொள்வது நல்லது.
முதல் நாளில் கலந்து மறுநாள் சாப்பிடும் வகையில் மோா் கலந்த புளித்த கூழ் சாப்பிடுவதன் மூலம் உடலில் உள்ள கிருமிகளை இது அழிக்கும். ராஜ கனி என்று சொல்லக்கூடிய எலுமிச்சை, வெல்லம், உப்பு கலந்த பானகம் அருந்துவது உடலுக்கு குளிா்ச்சியை தரும்.
கோடையில் இதுபோன்ற இயற்கை உணவுகளை சாப்பிடுவதன் மூலம் உடல் சீரான வெப்பத்திலும், பிற உபாதைகளின்றியும் வாழமுடியும் என்றாா்.